ބޮލީވުޑްގައި މަގުބޫލުކަން ހޯދަމުން އަންނަ ބަތަލާ ނުޝްރަތު ބަރޫޗާގެ ފުރަތަމަ ބިރުވެރި ފިލްމް "ޗޯރީ" މިމަހު 26 ގައި އެމެޒަން ޕްރައިމުން ޕްރިމިއާ ކުރުމަށް ނިންމައިފިއެވެ.
ވިޝާލް ފޫރިއާ ލިޔެ، ޑައިރެކްޓްކޮށްފައިވާ މި ފިލްމަކީ އޭނާ 2017 ގައި ގެނެސްދިން މަރާޓީ ފިލްމު "ލަޕަޗައްޕީ"ގެ ހިންދީ ރިމޭކެވެ. ފިލްމުގެ ޓްރެއިލާ އާއި ޓީޒާ ވެސް މިހާރު ވަނީ ދައްކާލައިފައެވެ.
މާބަނޑު އަންހެންގެ ގޮތުގައި ނުޝްރަތު ފެނިގެން ދާ މިފިލް އަކީ އޭނާގެ ފުރަތަމަ ބިރުވެރި ފިލްމެވެ. މި ފިލްމް ގެ ކާސްޓްގެ ތެރޭގައި އަމީތާ ވަޝީޝްޓް، ރާޖީޝް ޖޭއިސް، ސޯރަބް ބޯޔަލް އަދި ޔާނިއާ ބަރަދްވާޖް ހިމެނެ އެވެ.
ނުޝްރަތު އެންމެ ފަހުން ފެނިފައި ވަނީ މި އަހަރުގެ ކުރީކޮޅު ނެޓްފްލިކްސް އިން ގެނެސްދިން އެންތޮލޮޖީ ފިލްމު "އަޖީބު ތާސްތާންސް" އިންނެވެ.
