2017 ވަނަ އަހަރުގެ މިސް ވޯލްޑް މަނޫޝީ ޗިއްލާރް، ރާއްޖޭގައި ޗުއްޓީ ހޭދަކުރަމުން އެބަދެއެވެ.
ހޯމަ ދުވަހުން ފެށިގެން އޭނާ އަންނަނީ ރާއްޖޭގައި ހޭދަކުރަމުންދާ ޗުއްޓީގެ ފޮޓޯތައް އިންސްޓަގްރާމުން ހިއްސާކުރަމުންނެވެ.
މަނޫޝީ ޗުއްޓީ ހޭދަކުރަނީ ރ. އަތޮޅުގައި ހިންގާ އިންޓަކޮންޓިނެންޓަލް މޯލްޑިވްސް މާމުނަގައުގައެވެ. މިއީ މިދިޔަ އަހަރުގެ ޑިސެމްބަރު މަހުވެސް އޭނާ ރާއްޖޭގައި ޗުއްޓީހޭދަކުރި ރިސޯޓެވެ.
View this post on Instagram
ރާއްޖޭގެ ރީތި މޫދާއި ނޫއުޑުގެ އިތުރުން ހުދު ދޮންވެލިގަނޑު ފެންނާނެހެން މަނޫޝީ ސޯޝަލްމީޑިއާއަށް ދޫކޮށްލާ ފޮޓޯތަކަށް ގިނަބައެއްގެ ތަޢުރީފު އަންނަނީ ލިބެމުންނެވެ.
View this post on Instagram
ރާއްޖެ އައުމުގެ ކުރިން ކުރު ދަތުރެއްގައި އޭނާ ފްރާންސަށްވެސް ވަނީ ގޮސްފައެވެ. އެދަތުރުގެ ފޮޓޯތައްވެސް އިންސްޓަގްރާމުން އޭނާ ހިއްސާކޮށްފައި ވެއެވެ.
ރީތީގެ ރާނީ އަދި މޮޑެލް މަނޫޝީ ޗިއްލާރް މިހާރު ތައްޔާރުވަމުންދަނީ ޔަޝްރާޖް ފިލްމްސްގެ "ޕްރިތުވީރާޖް" އިން އަކްޝޭ ކުމާރާ އެކު ބޮލީވުޑަށް ނުކުތުމަށެވެ. މިދިޔަ އަހަރު އިއުލާން ކުރި މި ފިލްމަކީ ތާރީހީ ހަނގުރާމަ ދައްކުވައިދޭ ފިލްމެކެވެ. ފިލްމުގައި ފެނިގެންދާނި 1178-1192 އަށް އިންޑިއާގައި ރަސްކަން ކުރި ޕްރިތުވީރާޖްގެ ވާހަކަ ތަކެކެވެ. އެ ރަސްކަލުގެ ރޯލުން އަކްޝޭ ފެންނައިރު ރާނީ ސަނިޔޮގީތާގެ ރޯލުން ފެންނާނީ މަނޫޝީ އެވެ.
