ކަނޑު ގަދަވުމާ ގުޅިގެން ހުވަދޫ ކަނޑުން ހާލުގައި ޖެހުނު "އަލްމާ" ބޯޓު އެމްއެންޑީއެފް ކޯސްޓްގާޑުން އެހީތެރިކަމާއިއެކު މާމެންދޫ ބަނދަރަށް ވައްދައިފިއެވެ.
އެމްއެންޑީއެފްއިން ބުނެފައިވަނީ މާލެއިން ފުރައިގެން އައްޑު އަތޮޅަށް ދަތުރުކުރި "އަލްމާ" ނަމަކަށް ކިޔާ މި ބޯޓު، ކަނޑު ގަދަވެ ދަތުރުނުކުރެވުމުން އެމްއެންޑީއެފް ކޯސްޓްގާޑުގެ އެހީތެރިކަމަށް އެދިފައިވަނީ އިއްޔެ މެންދުރު 13:45 ހާއިރުއެވެ. މި ހާދިސާގެ މަޢުލޫމާތު ލިބުމުން، އެމްއެންޑީއެފް ސަދަން އޭރިއާ ކޮމާންޑުގެ ކޯސްޓްގާޑު ސްކޮޑްރަންގެ ސިފައިން ވަނީ ބޯޓު އޮތް ސަރަހައްދަށް ގޮސް އެހީތެރިކަން ފޯރުކޮށްދީފައިކަމަށެވެ.
ގއ.އެކެފަރުގެ އުތުރުން 8 ނޯޓިކަލް މޭލު ބޭރުން ދަތުރުކުރަމުންދިޔަ މި ބޯޓުގައި ފަސް ދިވެހިންނާއި ތިން ބިދޭސީން ދަތުރުކުރިއެވެ.
މި ބޯޓު ވަނީ ކޯސްޓްގާޑުގެ ބެލުމުގެ ދަށުން ސަލާމަތްތެރިކަމާ އެކު ރޭ 21:30 ހާއިރު ގއ.މާމެންދޫ ބަނދަރަށް ވައްދާފައެވެ.
