ސައުތު އިންޑިއާގެ، ހާއްސަކޮށް ކަންނަޑާ ފިލްމުތަކުން މަޝްހޫރުކަން ހޯދާފައިވާ ތަރި ޕުނީތު ރާޖްކުމާރް، ހާޓް އެޓޭކެއް ޖެހިގެން މަރުވެއްޖެއެވެ.
ރިޕޯޓްތައް ބުނާގޮތުގައި އުމުރުން 46 އަހަރުގެ ޕުނީތު މަރުވީ ހެނދުނުގެ ޖިމްގައި ކަސްރަތުކުރަން ހުއްޓައި ހެއަށް ގޮތެއް ވެގެން ހޮސްޕިޓަލަށް ގެންގޮސްފަރުވާ ދެމުން ދަނިކޮށެވެ.
ޕުނީތަށް ފަރުވާދިނުމަށް ބެންގަލޫރުގެ ވިކްރަމް ހޮސްޕިޓަލަށް ގެންދެވުނު ވަގުތު އެސަރަހައްދަށް ގިނައަދަދެއްގެ ސަޕޯޓްރުންވެސް ވަނީ ޖަމާވެފައެވެ.
އޭނާގެ ކުއްލި މަރާއެކު މުނިފޫހިފިލުވުމުގެ ދާއިރާގެ ގިނަ ބަޔަކު އަންނަނީ ހިތާމަ ފާޅުކޮށް ތަޢުޒިޔާ ކިޔަމުންނެވެ. މީގެ އިތުރުން ކަރްނާޓަކާގެ ޗީފް މިނިސްޓަރު ބަސަވަރާޖް ބޮމާއީ އާއި އިންޑިއާގެ ބޮޑުވަޒީރު ނަރެންދްރާ މޯދީވެސް ވަނީ ޕުނީތުގެ މަރާގުޅިގެން ހިތާމަފާޅުކިރައްވައި ޓްވީޓްކުރައްވާފައެވެ.
ފިލްމީ އާއިލާއަކަށް އުފަން ޕުނީތު ރާޖްކުމާރް ވަނީ މިހާތަނަށް 29 ފިލްމަކުން ލީޑުރޯލުން ފެނިގެންގޮސްފައެވެ. މީގެ އިތުރުން މަޝްހޫރު ޓީވީ ގޭމްޝޯވ "ހޫ ވޯންޓްސް ޓުބީ އަ މިލިއަނަރ"ގެ ކަންނަޑާ ވާޝަންގެ ހޯސްޓްވެސްމެއެވެ.
އޭނާ މަރުވިއިރު އަތްނބަކާއި ދެ ދަރިން ދުނިޔޭގައި އެބަތިއްބެވެ.
