ސްޓެލްކޯގެ އިޖުތިމާއީ ޒިންމާގެ ދަށުން ކ.ގުރައިދޫގައި ހުންނަ ހާއްސަ އެހީއަށް ބޭނުންވާ މަރުކަޒުގެ ފަސްވަނަ ބްލޮކް މަރާމާތުކޮށް ނިންމާ މިއަދު ޖެންޑް މިނިސްޓްރީއާއި ހަވާލުކޮށްފައި.
ސްޓެލްކޯގެ އިޖްތިމާޢީ ޒިންމާގެ ދަށުން ކ.ގުރައިދޫ ޚާއްސަ އެހީއަށް ބޭނުންވާ މީހުންގެ މަރުކަޒު މަރާމާތުކޮށްދިނުމާއި ގުޅިގެން، އިތުރު 28 ޖާގަ އިތުރުވެފައިވާކަމަށް ޖެންޑަރ މިނިސްޓަރ އައިޝަތު މުޙައްމަދު ދީދީ ވަނީ ވިދާޅުވެފައެވެ. ސްޓެލްކޯގެ އިޖުތިމާޢީ ޒިންމާގެ ދަށުން ކުރިއަށްގެންދިޔައީ، ގުރައިދޫގައި ހުންނަ ޚާއްސަ އެހީއަށް ބޭނުންވާ މީހުންގެ މަރުކަޒުގެ 5 ވަނަ ބްލޮކް މަރާމާތުކުރުމުގެ މަސައްކަތެވެ.
ހާއްސަ އެހީއަށް ބޭނުންވާ މީހުންގެ މަރުކަޒުގެ 5 ވަނަ ބްލޮކް މަރާމާތުކުރުމުގެ މަސައްކަތް ނިންމާ ޖެންޑަރ މިނިސްޓްރީއާ އިމާރާތް ހަވާލުކުރުމުގެ އެއްބަސްވުމުގައި ސްޓެލްކޯގެ ފަރާތުން ސޮއިކުރެއްވީ މެނޭޖިންގ ޑިރެކްޓަރ ޙަސަން މުޢުނީއެވެ. އަދި ޖެންޑަރ މިނިސްޓްރީގެ ފަރާތުން ސޮއިކުރެއްވީ މިނިސްޓަރ އާއިޝަތު މުޙައްމަދު ދީދީއެވެ.
ސްޓެލްކޯއިން ކުރިއަށްގެންދިޔަ މަރާމާތުގެ މަސައްކަތްތަކުގެ ތެރޭގައި:
– އިމާރާތުގެ ފާޚަނަތަކާއި ފްލޯގެ ތަށިމުށި ބަދަލުކުރުން
– ބަދިގެ މަރާމާތުކޮށް ތަށިމުށި ޖެހުމާއި ކަބަޑު ސެޓެއް ހަރުކުރުން
– އިމާރާތްތަކުގައި ރެނދުލާ ހަލާކުވެފައިވާ ތަންތަން މަރާމާތުކުރުން
– ކުލަލުމާއި ފަންކާތައް ބަދަލުކުރުން
– ފާޚާނައަށް ބޭނުންވާ ސާމާނާ އިމާރާތަށް ބޭނުންވާ ބައެއް ސާމާނު ހަމަކުރުން
މިކުންފުނީގެ އިޖުތިމާއީ ޒިންމާގެ ދަށުން ކ.ގުރައިދޫގައި ހުންނަ ހާއްސަ އެހީއަށް ބޭނުންވާ މަރުކަޒުގެ ފަސްވަނަ ބްލޮކް މަރާމާތުކޮށް ނިންމާ މިއަދު ވަނީ މިނިސްޓްރީ އޮފް ޖެންޑަރ، ފެމިލީ އެންޑް ސޯޝަލް ސަރވިސަސްއާއި ހަވާލުކޮށްފައި. pic.twitter.com/bZkKLX8sQy
— STELCO (@STELCOMALDIVES) October 26, 2021
ޖެންޑަރ މިނިސްޓަރ އާއިޝަތު މުޙައްމަދު ދީދީ ވިދާޅުވީ، ޚަރަދުގެ ގޮތުން ބަލާއިރު މިއީ ކުޑަ އަދަދެއް ނަމަވެސް، މި މަސައްކަތުގެ ސަބަބުން އެތައް ބައެއްގެ ދިރިއުޅުމުގެ ފެންވަރު ރަނގަޅުވެގެން ހިނގައްޖެކަމަށެވެ. އަދި މިއީ އަޅާލާނެ ބަޔަކު ނެތި މުޖުތަމަޢުގައި ތިބި އިތުރު މީހުން ދަޢުލަތުގެ ބެލުމުގެ ދަށަށް ގެނައުމަށް ލިބުނު ފުރުޞަތެއް ކަމަށްވެސް މިނިސްޓަރ ވިދާޅުވިއެވެ.
