މާލޭގައި އުމުރުން 19 އަހަރުގެ އަންހެނަކަށް އަނިޔާކުރި މައްސަލައެއްގައި 19 އަހަރުގެ ފިރިހެނަކު ހައްޔަރުކޮށްފިއެވެ.
ފުލުހުން މިއަދު ބުނީ، ރޭ ދަންވަރު 1:30 ހާއިރު ފުލުހުންގެ އިދާރާ އަށް ހުށަހަޅާފައިވާ އެ މައްސަލައާ ގުޅިގެން އުމުރުން 19 އަހަރުގެ ފިރިހެނަކު ފުލުހުންގެ ބެލުމުގެ ދަށަށް ގެންގޮސްފައިވާ ކަމަށެވެ. އެ މައްސަލަ އިތުރަށް ތަހުގީގު ކުރަމުން އަންނަ ކަމަށް ބުނި ނަމަވެސް އިތުރު ތަފުސީލެއް ނުދެއެވެ.
ހުޅުމާލޭގައި އަންހެނަކު ރަހީނުކޮށްގެން މާލެ ގެނެސް އަނިޔާކުރި ކަމަށް ބުނާ މައްސަލައެއް ރޭ ފެންމަތިވިއެވެ. ބެލެވޭ ގޮތުގައި ފުލުހުން ތަހުގީގު ކުރަނީ އެ މައްސަލަ ކަމަށް ވިޔަސް ރަހީނުކުރި ކަމުގެ މައުލޫމާތެއް ނެތް ކަމަށް ފުލުހުން ބުނެއެވެ.
މިފަދަ މައްސަލަތަކަކީ ފުލުހުން ވަރަށް ސީރިއަސް މައްސަލަތަކެއްގެ ގޮތުގައި ތަހުގީގް ކުރާ މައްސަލަތަކެކެވެ.
