އދ. ދަނގެތީ ގެއަކުން 9000 ޑޮލަރު (139,140.00 ރުފިޔާ)ގެ ސާމާނު ވަގަށް ނަގައިފިއެވެ.
ދާދިފަހުން އަނިޔާވެރި ގޮތަކަށް މީހަކު މަރާލައި ނުތަނަވަސް ކަމެއްގައި އޮތް ދަނގެތީގައި މިވަރުގެ ބޮޑު ވައްކަމެއް ކޮށްފައިވާކަން ފުލުހުންނަށް ހުށަހަޅާފައިވަނީ މިދިޔަ އަންގާރަ ދުވަހު ކަމަށެވެ.
ވަގަށް ނަގާފައިވާ ފަރުމަސްވެރިކަމުގައި ބޭނުން ކުރާ ސާމާނުތަކެއް ކަމަށް ފުލުހުންނަށް މައުލޫމާތު ދީފައިވާ ކަމަށް އޮފިޝަލް ވިދާޅުވިއެވެ. ވަގަށް ނެގި އެ ތަކެތީގެ އަގު 9000 ޑޮަރަށް އަރާނެ ކަމަށް ތަކެތީގެ ވެރިފަރާތުން ފުލުހުންނަށް މައުލޫމާތު ދީފައިވާ ކަމަށް އޮފިޝަލް ވިދާޅުވިއެވެ.
ވައްކަމުގެ މައްސަލަ ތަހުގީގުކުރަމުން އަންނަ ކަމަށާއި އަދި މި މައްސަލާގައި މިހާތަނަށް މީހަކު ހައްޔަރުކޮށްފައި ނުވާ ކަމަށް ފުލުހުން ބުންޏެވެ.
