އއ.ރަސްދޫގެ ފެނާއި ނަރުދަމާގެ ޚިދުމަތް ދިނުމަށް ސްޓެލްކޯއާއި ހަވާލުކޮށްފިއެވެ.
ރަސްދޫގެ ކަރަންޓުގެ ޚިދުމަތްވެސް ފޯރުކޮށް ދެމުންދަނީ ސްޓެލްކޯއިނެނެވެ. އެކުންފުނިން ބުނެފައިވަނީ މިއެއްބަސްވުމުގެ ދަށުން ރަސްދޫގެ ޔުޓިލިޓީގެ މުހިއްމު ތިން ހިދުމަތް ކަމަށްވާ ކަރަންޓާއި، ފެނާއި، ނަރުދަމާގެ ހިދުމަތް ސްޓެލްކޯއިން ފޯރުކޮށްދެމުން ދާއިރު، އަމާޒަކީ ރަސްދޫގެ ރައްޔިތުން އެދޭފަދަ ފުރިހަމަ ހިދުމަތެއް ދެވިގެން ދިއުންކަމަށް ސްޓެލްކޯއިން ވަނީ ބުނެފައެވެ.
އއ. ރަސްދޫގެ ފެނާއި ނަރުދަމާގެ ހިދުމަތާއި 20/10/2021 ވީ ބުދަ ދުވަހު މިކުންފުނިން ވަނީ ހަވާާލުވެފައި. މިއާއެކު، ރަސްދޫގެ ޔުޓިލިޓީގެ މުހިއްމު ތިން ހިދުމަތް ކަމަށްވާ ކަރަންޓާއި، ފެނާއި، ނަރުދަމާގެ ހިދުމަތް ސްޓެލްކޯއިން ފޯރުކޮށްދެމުން ދާއިރު، pic.twitter.com/CbXAKPDVWC
— STELCO (@STELCOMALDIVES) October 21, 2021
ސްޓޭލްކޯއިން ވަނީ ޒަމާނީ ފެންވަރެންގެ އިންޖީނުގެއެއް ރަސްދޫގައި އަޅުމުގެ މަސައްކަތް ކުރަމުންނެވ. ރަސްދޫއަކީ ލޯކަލް ޓޫރިޒަމަށް ރާއްޖޭގައި މަޝްހޫރު ރަށަކަށްވާއިރު، އެކި ފަންތިއާއި ގިންތީގެ ގެސްޓްހައުސްތައް އެ ރަށުގައި އަންނަނީ ހިންގަމުންނެވެ. ރަސްދޫއަށް އަންނަމުންދާ ތަރައްޤީއާއި އެއްވަރަށް އަދި ރަސްދޫގެ މަތިވަމުންދާ ލޯޑަށް ކޭޓާ ކުރުމަށްޓަކައި ސްޓެލްކޯއިން އަބަދުވެސް މަސައްކަތްކުރަމުންދާކަމަށް އެކުންފުނިން ވިދާޅުވެއެވެ. އެގޮތުން ރަސްދޫގައި މިވަގުތު ހުރި 754 ކިލޯވޮޓްގެ އިންޖީނުގޭގެ ބަދަލުގައި 5 މެގަވޮޓްގެ އައު އިންޖީނުގެއެއް އެރަށުގައި އެޅުމަށް މިހާރު ވަނީ ނިންމާފައެވެ. އައު އިންޖީނުގެ އިމާރާތް ކުރުމަށް ހަމަޖެހިފައިވަނީ ޙިދުމަތައް ބުރޫ ނާރާގޮތަށް މިހާރުގެ އިންޖީނުގެ ހުރިތަނުގައެވެ.
ރަސްދޫގައި އަލަށް އިމާރާތް ކުރާ އިންޖީނުގެއަކީ ޒަމާނުއްސުރެ އިންޖީނުގެތަކާއި މެދު ދެކެމުން އައި ގޮތް ބަދަލުކޮށްލާ، އެރަށުގެ ރީތި ނަލަ ލޭންޑް މާކަކަށް ވެގެންދާނެކަމަށް ސްޓެލްކޯއިން ވިދާޅުވެއެވެ. އަދި ވެންޓިލޭޝަން ރަނގަޅު، އުސްކޮށް އިމާރާތް ކުރެވޭ ޒަމާނީ ފެންވަރުގެ ތަނަކަށްވެގެންދާނެއެވެ. އަދި މި އައު އިންޖީނުގެ ވެގެންދާނީ، އަޑު މަޑު، ތިމާވެއްޓާއި ރައްޓެހި ތަނަކަށްކަމަށާއި، އިންޖީނުގެއަށް ބޭނުންވާ ކަރަންޓު އުފައްދައިދޭނީ އިންޖީނުގޭގައި ހަރުކުރާ ސޯލަރ ޕެނަލްތަކުންކަމަށް އެކުންފުނިން ވިދާޅުވެއެވެ.
