ރަޝިއާއިން އަދި މިވަގުތަށް ތާލިބާން ސަރުކާރު ބަލައި ނުގަތުމަށް ނިންމާފައިވާ ކަމަށާއި، އޭގެ ބަދަލުގައި ރަޝިއާއިން މިވަގުތު ބޭނުންވަނީ ވެރިކަމަށް އައުމާއެކު ތާލިބާން ޖަމާއަތުން ވެފައިވާ ވައުދުތައް އެޖަމާއަތުން ފުއްދުން ކަމަށް ރަޝިއާގެ ފޮރިންގ މިނިސްޓަރު ސާގެއި ލަވްރޯވް އަންގާރަ ދުވަހު ވިދާޅު ވެއްޖެއެވެ.
ލަވްރޯވް މިހެން ވިދާޅުވެފައިވަނީ، އެގައުމުގެ ވަލްޑާއި ޑިސްކަޝަން ކުލަބުން ރަޝިއާގެ ދެކުނުގައި ބާއްވަމުންދާ ކޮންފަރެންސެއްގެ ހަވާސާގައި ވާހަކަ ދައްކަވަމުންނެވެ. އަދި މިހަފްތާގެ ބުދަ ދުވަހު މޮސްކޯގައި ތާލިބާންގެ ޑެލިގޭޝަންއަކުން ރަޝިއާ ސަރުކާރާ ވާހަކަތައް ބޭއްވުމަށް ހަމަޖެހިފައި ވަނިކޮށެވެ.
އޭނާ ވިދާޅުވެފައިވާ ގޮތުގައި ތާލިބާން ޖަމާއަތުން ވެފައިވާ ވައުދުތަކުގެ ތެރޭގައި، ވަކީން ޚާއްސަކޮށް، އަފްއާނިސްތާނުގެ އެހެން ދަރިކޮޅުގެ ފަރާތްތަކާއި، އަދި ސިޔާސީ ތަފާތު ވިސްނުމުގެ ފަރާތްތައްވެސް ސަރުކާރުގައި ބައިވެރި ކުރުން ހިމެނޭ ކަމަށެވެ.
