އަނަންތަރާ ދިގު މޯލްޑިވްސް ރިސޯޓުގެ ގޮނޑުދޮށުގައި ފަތުރުވެރިއަކު މަރުވެފައި އޮއްވާ ފެނިއްޖެއެވެ.
ފުލުހުން ވިދާޅުވީ އަންނަތާރާ މޯލްޑިވްސް ރިސޯޓްގެ ބީޗް ސަރަހައްދުގައި ފަތުރުވެރިޔަކު މަރުވެފައި އޮއްވާ އިއްޔެ 13:00 ކަންހާއިރު ފެނިފައިވާ ކަމަށެވެ. މަރުވެފައި އޮއްވާ ފެނުނީ ކޮރެއާ ފިރިހެނެކެވެ. ފުލުހުން ވިދާޅުވީ އޭނާގެ މަރާއި ގުޅިގެން ބަލަން ޖެހޭ ކަންކަން ފުލުހުން ބަލަމުންދާ ކަމަށެވެ.
އަޑުފެތުރިފައިވާ ގޮތުގައި އެ މީހާ މަރުވީ މޫދަށް ގެނބިގެން ނެެވެ. އެކަމަކު ރަސްމީ އެއްވެސް ފަރާތަކުން އެކަން ކަށަވަރެއް ނުކޮށްދެއެވެ.
ރާއްޖެއަށް މިހާރު ކުރަމުންދާ ވިއްސާރައިގައި ހިތާމަވެރި ގިނަ ހާދިސަތައް ދަނީ ހިނގަމުންނެވެ. އެގޮތުން ލޯންޗެއް ބަންޑުން ޖަހައި މީހަކު މަރުވެފައިވާއިރު ކުޑަ ކުއްޖަކު ވަނީ ކަނޑަށް ގެއްލިފައެވެ. އަދި މިއަދު ވަނީ ކާށިދޫ ކަނޑަށްވެސް މީހަކު ގެއްލިފައެވެ.
ކޮމެންޓު ފޮނުވާ