އދ.ދަނގެތީގައި މަހުމޫދު އަބޫބަކުރުގެ މަރާލި ކަމަށް އެރަށު ރައްޔިތުން އެންމެ ފުރަތަމަ ތުހުމަތު ކުރި ދެ މީހުން ދުއްވި ސައިކަލު ރޯކުރިތާ ތިން ދުވަސް ފަހުން ފުލުހުންގެ ބެލެމުގެ ދަށަަށް ގެންގޮސްފިއެވެ.
މަހުމޫދުގެ މަރާއި ގުޅިގެން އެންމެ ފުރަތަމަ ދަނގެތި ރައްޔިތުން ތުހުމަތުކުރީ އެރަށުން ބޭރުން އެރި ތޮއްޑޫ ދެމީހަކަށެވެ. މިތުހުތަމުގައި ދަނގެތި ބައެއް މީހުން ވަނި އެދެމީހުންނާއިމެދު ވަރަށް ބޮޑަށް ހިތްހަމަނުޖެހުންވެސް ފާޅުކޮށްފައެވެ. އެކަމާ ހެދި އެ ދެ މީހުން ފުލުހުންގެ ބެލުމުގެ ދަށަށް ގެންދިޔުމުން އެ ދެ މީހުން ރަށު ތެރޭގައި ދުއްވާ އުޅުނު ސައިކަލުގައި ރަށުގެ ބަޔަކު ވަނީ ރޯކޮށްލައިފައެވެ.
ރޯކޮށް އެއްކޮށް ހަލާކުކޮށްލާފައިވާ އެ ސައިކަލު ދަނގެތީ ޕޮލިސް ސްޓޭޝަނަށް ވެއްދީ މަހުމޫދުގެ މަރުގެ މައްސަލައިގައި ފުލުހުން ތުހުމަތު ކުރާ ބަންގްލަދޭޝްގެ ރައްޔިތެއް ކަމަށްވާ މުހައްމަދު ސާލިމް އޭނާ ދިރިއުޅޭ ގެއަށް ގެންގޮސް އޭނާ ލައްވައި ބައެއް ކަންކަން ކުޅުވައި މިރޭ އޭނާ އަލުން އަނބުރާ ޕޮލިސް ސްޓޭޝަނަށް ގެންދިޔަ ފަހުންނެވެ.
އެނގިފައިވާގޮތުން އެ މީހުން ދުއްވި ސައިކަލު އަންދާލިތާ ތިން ދުވަސް ފަހުން މިރޭގެ ވަގުތެއްގައި ފުލުހުން އެ ސައިކަލު، އެރަށު ފުލުހުންގެ އިދާރާއަށް ގެންގޮސްފައި ވަނީ ތަހުގީގަށް ބަލަން ޖެހޭ ކަންކަން ބެލުމަށެވެ.
މިހާރު އެ ސައިކަލު ވަނީ ދަނގެތީ ފުލުހުންގެ އިދާރާއަށް ވައްދާފައެވެ. މިއަދު ފުލުހުން ދަނީ މަހުމޫދު މަރާލުމުގައި އިސްކޮށް ހަރަކާތްތެރިވިކަމަށް ތުހުމަތު ކުރެވޭ ބިދޭސީ މީހާ ސާލިމް ލައްވައި އެނާ މަހުމޫދު މަރާލިގޮތާއި ކަން ކޮށްފައިވާ ގޮތުން ކުޅުވައި، ބައެއް މައުލޫމާތުވެސް އޮޅުން ފިލުވަމުންނެވެ.
