މަރާލުމަށްފަހު ކޯންޏަކަށްލައި ވަޅަކަށް އެއްލާލާފައި އޮއްވާ ފެނުނު އދ.ދަނގެތި މޮނަލާޒް މަޙްމޫދު އަބޫބަކުރުގެ ހަށިގަނޑު މާލެ ގެސް ބައެއް ޓެސްޓްތައް ހަދަން ފަށައިފިއެވެ.
މަޙްމޫދުގެ މަރުގެ ތުހުމަތުގައި ދެމީހަކު ހިފަހައްޓާ އެރަށު ރައްޔިތުންވަނީ ފުލުހުންނާއި ހަވާލުކޮށްފައެވެ. ނަމަވެސް މިހާތަނަށް އެއްވެސް މީހަކު ހައްޔަރުކޮށްފައެއް ނުވެއެވެ. މަޙްމޫދުގެ މަރުގެ މައްސަލަ ތަޙްޤީޤްކުރުމަށް ފުލުހުންގެ ފޮރެންސިކް ޓީމެއް މިހާރު އަންނަނީ އެރަށުގައި ހަރަކާތްތެރިވަމުންނެވެ.
މަޢުލޫމާތު ލިބިފައިވާގޮތުގައި މަޙްމޫދުގެ ހަށިގަނޑު މާލެ ގެނެސް ޓެސްޓްތައް ހެދުމަށްފަހު އެރަށަށް ގެންދާނެއެވެ. އައިޖީއެމްއެޗްގައި މަހުމޫގެ ސީޓީ ސްކޭން ހެދުމަށްވަނީ ހަމަޖެހިފައެވެ.
މަޙްމޫދުގެ ހަށިގަނޑު ވަޅުލުމަށް ހަމަޖެހިފައިވަނީވެސް ދަނގެތީގައެވެ.
މަހުމޫދަކީ އެރަށުގައި ކެފޭއެއް ހިންގަމުން އަންނަ ވިޔަފާރިވެރި އެކެވެ. އޭނާގެ ތިން ދަރިންނާއި އަތްނބަކު އެބަ ހުއްޓެވެ.
