އދ.ދަނގެތީގައި އެރަށު ވިޔަފާރިވެރިޔާ މަޙްމޫދު އައްބާސް މަރާލި މައްސަލަ ތަހްގީޤްކުރުމަށް ފުލުހުންގެ ޚާއްޞަ ތަޙްޤީޤް ޓީމެއް އެރަށަށްގޮސްފިއެވެ.
ދަނގެތީގައި މިއަދު މަރާލާފައި އޮއްވާ ފެނިފައިވަނީ ޢުމުރުން 57 އަހަރުގެ އެރަށު ވިޔަފާރިވެރިއެއްކަމަށްވާ މޮނަލާޒު, މަހުމޫދު އަބޫބަކުރެވެ. މި މަރުގެ މައްސަލައިގެ ތުހުމަތުކުރެވޭ ދެމީހަކު ހިފަހައްޓާ އެރަށު ރައްޔިތުން ވަނީ ފުލުހުންނާއި ހަވާލުކޮށްފައެވެ. މަޙްމޫދުގެ މަރުގެ މައްސަލައިގެ ތަހްޤީޤް ލަސްވެގެން އެރަށުގެ ރައްޔިތުން ވަނީ ކަންބޮޑުވުންވެސް ފާޅުކޮށްފައެވެ.
ފުލުހުން ބުނީ މަރުގެ މައްސަލާގައި ބަލަންޖެހޭ ކަންކަންބަލައި ތަހްޤީޤްކުރުމަށް ފުލުހުންގެ ޚާއްޞަ ތަޙްޤީޤީ ޓީމެއް އެރަށަށް ގޮސްފައިވާކަމަށެވެ.
A special team of investigators from Serious and Organized Crime Department are currently travelling to ADh. Dhangethi. The investigation will be carried out with utmost diligence to apprehend culprit(s) involved in this heinous crime. 2/2
— Maldives Police (@PoliceMv) October 14, 2021
ރޭ އޮތް މެޗް ބެލުމަށްފަހު މަހުމޫދު އބޫބަކުރު ގެއިން ބޭރަށް ދިޔަގޮތަށް އޭނާގެ ޚަބަރެއް ވެފައިނުވާތީ އޭނާ ހޯދުމުގެ މަސައްކަތް ކުރަމުން ދަނިކޮށް ފެނުނީ އޭނާ މަރާލާފައި އޮއްވައެވެ. މިގޮތުން ފުލުހުންނާއި އަދި އެމްއެންޑީއެފްގެ އެހީތެރިކަމާއެކު އޭނާ ހޯދުމުގެ މަސައްކަތް ފަށާފައިވަނީ މިއަދު ހެނދުނުއެވެ. މިމަސައްކަތުގައި އެރަށުގެ ފަޅާއި ރަށު ތެރެވެސް ބަލާ ފާސްކޮށްފައި ވެއެވެ.
މައުލޫމާތު ލިބިފައިވާ ގޮތުގައި މަރާލާފައި އޭނާ އެއްލާލާފައި އޮތީ ވަޅަކަށެވެ. އަދި އޭނާވަޅަށް ވައްޓާލާފައި އޮތްއިރު، އޭނާގެ ބޮލަށާއި ދެފަޔަށް ސުތުލި ގޯންޏެއް އެރުވުމަށްފަހު ކަމަށްވެސް އަރަށުން ވާހަކަ ދެއްކި ބައެއް ފަރާތްތަކުން މައުލޫމާތު ދީފައި ވެއެވެ.
މަހުމޫދަކީ އެރަށުގައި ކެފޭއެއް ހިންގަމުން އަންނަ ވިޔަފާރިވެރި އެކެވެ. އޭނާގެ ތިން ދަރިންނާއި އަތްނބަކު އެބަ ހުއްޓެވެ.
