މާލެ ސިޓީގެ މޭޔަރު ޑރ.މުހައްމަދު މުއިއްޒުއަށް ދައުވާ ކޮށްފައިވަނީ މާލޭގެ ރައްޔިތުންގެ އުންމީދާއި އެއްގޮތަށް، މުއިއްޒު ކުރައްވާ މަސައްކަތް ހުއްޓުވުމަށް ކަމުގައި އިދިކޮޅު ޕީއެންސީގެ ނާއިބް ރައީސް އާދަމް ޝަރީފް ވިދާޅުވެއްޖެއެވެ.

ސްޓްރާޑާ ޕްރައިވެޓް ލިމިޓެޑުން ކުރިއަށްގެންދިޔަ ބްރިޖްވިއުއިންގ ޕްލެޓްފޯމް ޕްރޮޖެކްޓް ނުވަތަ ނިއުޕޯޓް މައްސަލައިގައި މުޢިއްޒުގެ މައްޗަށް ދައުވާކުރުމަށް އޭސީސީން ޕީޖީ އޮފީހަށް ވަނީ ފޮނުވާފައެވެ. މިމައްސަލާގައި މުއިއްޒު ވިދާޅުވެފައިވަނި ހައުސިން މިނިސްޓަރަކަށް ހުންނެވިއިރު ހުރިހާ މަސައްކަތެއްވެސް ކުރިއަށްގެންދެވީ އުސޫލްތަކުގެ ތެރެއިންކަމަށާއި، ދަޢުވާކުރަންޖެހޭކަމެއް ކުރައްވާފައިނުވާނެކަމަށެވެ.

މުއިއްޒުއަށް ދައުވާ ކުރި މައްސަލާގައި އާދަމް ޝަރީފް ވިދާޅުވީ މާލޭގެ ރައްޔިތުންގެ ސާފު އައުލަބިއްޔަތުން ރައްޔިތުން މުއިއްޒު އިންތިޚާބު ކޮށްފައިވަނީ ވަރަށް ބޮޑެތި އުންމީދު ތަކާއި އެކުގައިކަމާށެވެ،. އެއުންމީދުތައް ހާސިލް ކުރެއްވުމަށް މުއިއްޒު ކުރައްވާ މަސައްކަތަކީ މިސަރުކާރަށް ބަލައި ގަނެވޭ ކަމަކަށް ނުވާކަމަށް އާދަމް ޝަރީފް ވިދާޅުވިއެވެ. އަދި މިއީ މުއިއްޒު ކުރައްވާ މަސައްކަތް މަޑު ޖަލްސާގައި މާޔޫސް ކުރުވުމަށް ކުރައްވާ މަސައްކަތެއްކަމަށެވެ.

ދައުވާ ކުރަނީ މާލޭ ރައްޔިތުންނަށް ލުއިފަސޭހަ ވާފަދަ މަސައްކަތްތައް ކުރެއްވުމުން ދުރުހެލި ކުރައްވައި، މާޔޫސް ކުރެއްވުމަށް! ދެރަ! ކުށެއް ކުރެއްވިނަމަ ހުންނަވާނީ ސިޔާސީ މައިދާނުން ދުރުގައި! މާލޭގެ ރައްޔިތުން މޭޔަރ މުއިއްޒުއަށް ވޯޓު ދެއްވީ އިތުބާރު ކުރައްވާތީ.

– އާދަމް ޝަރީފް ވިދާޅުވިއެވެ.

Dhauvaa kuranee Male' rayyithunnah luifaseyha vaafadha masakkaiythah kurevvumun dhuruheli kuruvai, maayoos kuruvumah!Dhera! Kusheh kurevvinama hunnavaanee siyaasee maidhaanun dhurugai!
Male' rayyithun Mayor @MMuizzu ah vote dhevvee ithubaaru kuravvaathee! https://t.co/UwzFO87TXp pic.twitter.com/ISX1h2xABe

— Adam Shareef Umar (@Adamshareefz) October 8, 2021

އޭސީސީން ބުނީ، ކުރީގެ މިނިސްޓްރީ އޮފް ހައުސިންގ އެންޑް އިންފްރާސްޓްރަކްޗަރ އިން ލޮނުޒިޔާރަތްކޮޅު ސަރަޙައްދުގައި ބްރިޖް ވިއުއިންގ ޕްލެޓްފޯމަކާއި، ފުޑް އައުޓްލެޓް އޭރިއާ އަދި ޕާކިން އޭރިއާއެއް ހިންގުމަށް ސްޓްރާޑާ ޕްރައިވެޓް ލިމިޓެޑާއެކު ވެފައިވާ އެއްބަސްވުމުގައިވާ މުއްދަތު ފަސް އަހަރަށް އިތުރުކޮށްދީފައިވާ ކަމަށާއި، ސްޓްރާޑާ ޕްރައިވެޓް ލިމިޓެޑުން ޕާކިންގ އޭރިއާގައި އިމާރާތްކޮށްފައިވާ "ޗާޓައިމް" އެތަނުން ނެގުމަށްޓަކައި މިނިސްޓްރީގެ ފަރާތުން ބަދަލުދޭން ނިންމައި، އެފައިސާ ދޫކުރުމުގެ މަސައްކަތް ކުރަމުންދާ ކަމަށް ބުނާ މައްސަލަ ތަޙްޤީޤުކޮށް ނިންމައި، އެ މައްސަލާގައި ދަޢުވާކޮށްދިނުމަށް  ޕްރޮސިކިއުޓަރ ޖެނެރަލްގެ އޮފީހަށް ފޮނުވާފައިވާކަމަށެވެ.

ޑރ.މުޙައްމަދު މުޢިއްޒުގެ މައްޗަށް ދަޢުވާކުރުމަށް އެދި ފޮނުވާފައިވަނީ، ކޮރަޕްޝަން ހުއްޓުވުމާއި މަނާކުރުމުގެ ޤާނޫނުގެ ދަށުން، ރައްޔިތުންނަށް ނުވަތަ ދަޢުލަތަށް ފައިދާއެއް ލިބެން އޮތްކަމެއްގެ ފައިދާ ރައްޔިތުންނަށް ނުވަތަ ދައުލަތަށް ނުލިބޭގޮތަށް ނުވަތަ ލިބެން އޮތް ފައިދާއަށް އުނިކަން ލިބޭގޮތަށް ޢަމަލުކުރުމުގެ ދަޢުވާއާއި، ދިވެހިރާއްޖޭގެ ޤާނޫނުލްޢުޤޫބާތުގެ ދަށުން، ރަސްމީ ހައިސިއްޔަތު ނަހަމަ ގޮތުގައި ބޭނުންކޮށްގެން ނާޖާއިޒު ފައިދާ ހޯދައިދިނުމުގެ ކުށުގެ ދަޢުވާއެވެ. އަދި އަޙްމަދު ޙަބީބުގެ މައްޗަށް ދަޢުވާކުރުމަށް އެދި ފޮނުވާފައިވަނީ ވެސްދިވެހިރާއްޖޭގެ ޤާނޫނުލްޢުޤޫބާތުގެ ދަށުން، ރަސްމީ ހައިސިއްޔަތު ނަހަމަ ގޮތުގައި ބޭނުންކޮށްގެން ނާޖާއިޒު ފައިދާ ހޯދައިދިނުމުގެ ކުށުގެ ދަޢުވާއެވެ.

އޭސީސީން ބުނީ، މި މައްސަލައިގެ ތަޙުޤީޤަށް ފާހަގަކުރެނު ކަންކަމުގެ ތެރޭގައި، ބްރިޖް ވިއުއިން ޕްލެޓްފޯމަކާއި ފުޑް އައުޓްލެޓް އޭރިޔާ އަދި ޕާކިންގ އޭރިޔާއެއް ތަރައްޤީކުރުމަށް މިނިސްޓްރީ އޮފް ހައުސިންގ އެންޑް އިންފްރާސްޓްރަކްޗަރ އާއި ސްޓްރާޑާ ޕްރައިވެޓް ލިމިޓެޑާއެކު 03 އަހަރު ދުވަހުގެ އެއްބަސްވުމެއް 22 ސެޕްޓެންބަރު 2016 ގައި ވެފައިވާކަންކަމަށެވެ. އެ އެއްބަސްވުމުގައިވާ "ޕާކިންގ އޭރިއާ" ގައި ފިނިބުއިން ވިއްކާ ތަނެއް އެޅުމުގެ ހުއްދަ އަށް އެދި ސްޓްރާޑާ ޕްރައިވެޓް ލިމިޓެޑް އިން ހުށަހެޅުމުން، އެއްބަސްވުމުގައިވާ "ޕާކިންގ އޭރިއާ" ހުޅަނގަށް ޖައްސާލުމަށްފަހު އެތަނުގައި ފިނިބުއިން ވިއްކާ ތަނެއް އެޅުމުގެ ހުއްދަ އެ މިނިސްޓްރީން ދީފައިވާކަމަށް އޭސީސީން ބުންޏެވެ. އަދި އެކަމުގެ ސަބަބުން، އެއްބަސްވުމުގައިވާ ސަރަޙައްދުގެ އިތުރުން، 2464 އަކަފޫޓުގެ ބިމުގެ ސަރަޙައްދެއް ސްޓްރާޑާ ޕްރައިވެޓް ލިމިޓެޑަށް އިތުރަށްލިބި، އިތުރު ފައިދާ އެ ކުންފުންޏަށް ލިބިފައިވެއެވެ. އެހެންނަމަވެސް، އެހުއްދައަކީ އޭރު ޢަމަލުކުރަމުންދިޔަ ދައުލަތުގެ މާލިއްޔަތު ގަވާއިދުގެ ބާބު 15 ގައި ބަޔާންކޮށްފައިވާ ހުޅުވާލެވިފައިވާ ބީލަން އުސޫލާ ޚިލާފުކަމެއްކަމާއި، އަދި މިކަމުގައި އެ މިނިސްޓްރީން ޤާނޫނީ ލަފާ ހޯދާފައިނުވާކަން އެނގޭކަމަށްވެސް އޭސީސީން ދައުވާކުރަން ފޮނުވި މައްސަލާގައި ވެއެވެ.