ހިޔާ ފްލެޓް ލިބިފައިވާ ފަރާތްތަކުގެ ތެރެއިން މިކުންފުނީގެ ހިދުމަތައް ރަޖިސްޓަރ ކުރުމަށްފަހު، އެކި ސަބަބުތަކާއި ހެދި ކަނެކްޝަން ނުލިބިވާ ފަރާތްތަކަށް އޮންލައިންކޮށްވެސް ކަރަންޓު ގުޅައި ދިނުމަށް އެދެވޭނެ އިންތިޒާމު ސްޓެލްކޯއިން ހަމަޖައްސައިފިއެވެ.
ސްޓެލްކޯއިން މިރޭ ބުނެފައިވަނީ ހިޔާ ފްލެޓް ލިބިފައިވާ ފަރާތްތަކުގެ ތެރެއިން މިކުންފުނީގެ ހިދުމަތައް ރަޖިސްޓަރ ކުރުމަށްފަހު، އެކި ސަބަބުތަކާއި ހެދި ކަނެކްޝަން ނުލިބިވާ ފަރާތްތަކަށް އެކުންފުނިން އާންމުކޮށްފައިވާ ލިންކު ބޭނުން ކުރައްވައިގެން ކަނެކްޝަނަށް އެދިލެއްވޭނެ އިންތިޒާމް މިހާރު ވަނީ ހަމަޖެހިފައި ވާކަމަށެވެ.
ހިޔާ ފްލެޓް ލިބިފައިވާ ފަރާތްތަކުގެ ތެރެއިން މިކުންފުނީގެ ހިދުމަތައް ރަޖިސްޓަރ ކުރުމަށްފަހު، އެކި ސަބަބުތަކާއި ހެދި ކަނެކްޝަން ނުލިބިވާ ފަރާތްތަކަށް ތިރީގައިވާ ލިންކު ބޭނުން ކުރައްވައިގެން ކަނެކްޝަނަށް އެދިލެއްވޭނެ އިންތިޒާމް މިހާރު ވަނީ ހަމަޖެހިފައި! https://t.co/mDkDaiKN1s
— STELCO (@STELCOMALDIVES) September 29, 2021
ހިޔާގެ 6720 ފްލެޓްގެ ތެރެއިން މިހާތަނަށް ސްޓެލްކޯގެ ހިދުމަތަށް އެދި އެގްރީމަންޓް ހަދާފައިވަނީ 6106 ފަރާތަކުންނެވެ. އަދި މީގެ ތެރެއިން 5828 ފްލެޓެއްގެ ވެރިފަރާތުން ވަނީ އެގްރީމަންޓުގައި ސޮއެކޮށްފައެވެ. މިވަގުތާ ހަމަޔަށް ހިޔާ ފްލެޓްތަކުގެ ތެރެއިން ސްޓެލްކޯއާއިއެކު ސޮއެކޮށްފައިވާ %95 ކަސްޓަމަރުންނަށް ވަނީ ކަނެކްޝަން ގުޅާ ދީފައެވެ.
މީގެ އިތުރުން، އެގްރީމަންޓުގައި ސޮއި ކުރުމަށްފަހު އެކި ސަބަބުތަކާއި ހެދި ކަސްޓަމަރަށް ހާޒިރު ނުވެވިގެން، ކަނެކްޝަން ދެވިފައިނުވަނީ 280 ފަރާތަކަށް ކަމަށް ސްޓެލްކޯއިން ވަނީ ހާމަކޮށްފައެވެ. އެއީ އެގްރީމަންޓު ހެދި ފަރާތްތަކުގެ %5 ކަމަށްވެސް އެކުންފުނިން ބުނެފައިވެއެވެ. މި ފަރާތްތަކަށް ފަސޭހަ ކޮށްދިނުމުގެ ގޮތުން އޮންލައިންކޮށް ކަނެކްޝަނަށް އެދެވޭނެ އިންތިޒާމް މިހާރު ހަމަޖެހިފައިވާ ކަމަށް ސްޓެލްކޯއިން ވަނީ ބުނެފައެވެ.
