އަފްއާނިސްތާނުގައި ތިބި އަލްގައިދާއަށް ނިސްބަތްވާ ހަގުރާމެވެރިންނަށް، ކުރިޔަށް އޮތް އަހަރެއްހާ ދުވަހުގެ ތެރޭގައި އެމެރިކާއަށް ނުރައްކާ ކުރެވޭވަރަށް ތަރައްގީވެގެން އައުން ވަރަށް އެކަށީގެންވާ ކަމުގައި އެމެރިޚާގެ އަސްކަރީ ޖެނެރަލް މާރކް މިއްލޭ ވިދާޅުވެއްޖެއެވް.
އަފްއާނިސްތާނުގައި މިހާރު ވެރިކަން ކުރަމުންދާ ތާލިބާން ޖަމާއަތުން އަލްގައިދާއާއި އޮތް ގުޅުން އެއީ ކަނޑާލާފައި އޮތް ގުޅުމެއް ނޫންކަމަށް ވިދާޅުވަމުން މާރކް މިއްލޭ ވިދާޅުވީި ތާލިބާން ޖަމާއަތަކީވެސް ޓެރަރިސްޓް ޖަމާއަތެއް ކަމުގައެވެ.
އެމެރިކާގެ ޑިފެންސް ސެކެޓްރީއާއި ލިއޮއިޑް އައުސްޓިންގއާއި އަދި އަސްކަރިއްޔާގެ އިސް އޮފިޝަލް، ޖެނެރަލް މާރކް މިއްލޭއާއިވެސް މިހާރުގެ ކޮންގްރެސްއިން ދަނީ، އެމެރިކާ ސިފައިން އަފްއާނިސްތާނުން ފޭބި ފޭބުމާ ގުޅެގޮތުންވެސް ސުވާލު ކުރަމުންނެވެ.
ފާއިތުވެދިޔަ މަހު، އަފްއާނިސްތާނުގައި އޭރު އޮތް ވެރިކަން ވެއްޓި، އަދި ތާލިބާންއިން އޭރުގެ ސަރުކާރާ ދެކޮޅަށް ކުރަމުން އައި ހަގުރާމާގައި ބޮޑެތި ކުރިއެރުންތަކެއް ހޯދާވަނީ، އެގައުމު އެމީހުންގެ ބާރުގެ ދަށަށް ގެނެސްފައެވެ.
ކޮންގްރެސްގެ ސެނެޓަރ އަދި ކޮމިޓީ ލީޑަރ ޖެކް ރީޑް ވިދާޅުވެފައިވަނީ ގާނޫނު ހަދާ މަޖިލިހުގެ މެމްބަރުން ބޭނުންވަނީ، އަފްއާނިސްތާނުގައި އޮތް ސަރުކާރު ވެއްޓިދާނޭ ކަމަށް ބެލެވުނު ކަންކަން އެމެރިކާއަށް އޭރު ފަހުމް ކުރެވުނުތޯ ބެލުމަށް ކަމަށެވެ.
ގާނޫނު ހަދާ މަޖިލިހުގައި އޮތް އަޑު އެހުމުގައި ޖެނެރަލް މާރކް މިއްލޭ ވިދާޅުވީ އަފްއާނިސްތާނުން އަތުވެދާނެ ޓެރަރިސްޓް ހަމަލާއަކުން އަދިވެސް އެމެރިކާ ސަލާމަތް ކުރުމަށް އެމެރިކާގެ ސަރުކާރުން މަސައްކަތް ކުރަންޖެހޭނެ ކަމަށާއި، އަދި މިގޮތުން ކުރަންހުރި މަސައްކަތްތައް މިހާރު އެތައް ގުނައެއް އުދަގޫ ވެގެން ގޮސްފައިވާ ކަމުގައެވެ.
"ތާލިބާން ޖަމާއަތަކީ ކުރިންވެސް ޓެރަރިސްޓް ޖަމާއަތެއްގެ ގޮތުގައި ކަނޑައަޅާފައިވާ ޖަމާއަތެއް، އަދިވެސް އެޖަމާއަތް އޮންނާނީ ޓެރަރިސްޓް ޖަމާއަތެއްގެ ގޮތުގައި ކަޑައެޅިފައި، އަދި އެމީހުން އަލްގައިދާއާއި އެކީ ބާއްވަމުން އަންނަ ގުޅުން ހުއްޓުމަކަށް ގެނެސްފައެއްވެސް ނުވޭ،" އޭނާ ވިދާޅުވިއެވެ.
ޖެނެރަލް މާރކް މިއްލޭއަކީ، އެމެރިކާގެ މިހާރުގެ ރައީސް ޖޯ ބައިޑްންގެ އަސްކަރީ މުޝީރެވެ. އަދި އޭނާއަކީ ޖޮއިންޓް ޗީފް އޮފް ސްޓާފްގެ ޗެއަރމަންވެސް މެއެވެ.
