އިއްޔެ ބޭއްވި އެމްޑީޕީގެ ދާއިރާތަކުގެ އިންތިހާބުގައި ޕީޕީއެމްގެ ބައެއް ސަޕޯޓަރުން ވޯޓުލާފައިވާ ކަމަށް ރައްޔިތުންގެ މަޖިލީހުގެ މަޑުއްވަރީ ދާއިރާގެ މެމްބަރު އާދަމް ޝަރީފް ވިދާޅުވެއްޖެއެވެ.
އޭނާ ކުރެއްވި ޓުވީޓެއްގައި ވިދާޅުވީ، އެމްޑީޕީގެ ވޯޓާސް ލިސްޓުގައި ޕީޕީއެމާއި ޕީއެންސީގެ ބައެއް ސަޕޯޓަރުންގެ ނަން އޮތް ކަމަށެވެ. އެ މީހުން ގޮސް އިންތިހާބުގައި ވޯޓުލީ ކަމަށް އާދަމް ޝަރީފު ވިދާޅުވިއެވެ. އޭނާ ވިދާޅުވި ގޮތުގައި މިއީ އިންތިހާބުގައި ވޯޓުލާން ނުކުތް ޖުމުލަ އަދަދު ދެނެގަންނަން އުނދަގޫ ކަމެކެވެ.
އެމްޑީޕީގެ އިއްގެ ވޯޓާސް ލިސްޓުގައި ޕީޕީއެމް ޕީއެސްސީގެ ބައެއް ސަޕޯޓަރުންގެ ނަން އޮތުމާއިއެކު އޭގެ ތެރެއިން ބައެއް ސަޕޯޓަރުން ވޯޓުލި. "އެގަހުކޭލެއް، މިގަހު ކޭލެއް ނޭގުނު." މިހެންވުމުން އެމްޑީޕީގެ އަސްލު ވޯޓާސް ޓާންއައުޓް ދެނެގަންނަން ދަތިވެދާނެ. ޕާޓީތަކުގެ ތެރޭގައި އިންތިޚާބުތަކަށް މިނޫޏް ގޮތެއް ހޯދަންޖެހޭ.
– އާދަމް ޝަރީފް ވިދާޅުވިއެވެ.
އިދިކޮޅު ކޯލިޝަންގެ މެމްބަރުންގެ އިތުރުން، ދުވަހަކު ވެސް އެމްޑީޕީ އަށް ސޮއިނުކުރާ މީހުން ވެސް މި އިންތިހާބުގައި ވޯޓުލާފައިވާ ކަމަށް ތުހުމަތުކުރެ އެވެ. އެމްޑީޕީން އާއްމުކޮށްފައިވާ ހިސާބުތަކުން ދައްކާ ގޮތުގައި މި އިންތިހާބުގައި ވޯޓުލުމުގެ ހައްގު 93،000 އަށް ވުރެ ގިނަ މެންބަރުންނަށް ލިބިފައިވެއެވެ. އިންތިހާބުގައި އެކި ދާއިރާތަކަށް 733 ކެންޑިޑޭޓުން ވާދަކުރިއެވެ. މީގެ ތެރެއިން ހޮވަން ޖެހުނީ 455 ކެންޑިޑޭޓުންނެވެ. ވާދަކުރާނެ އިތުރު މީހަކު ނެތުމުން ވޯޓަކާ ނުލައި 165 މީހުން ވަނީ ހޮވިފައެވެ.
އެމްޑީޕީގެ އިންތިޚާބުގައި ވޯޓުލާފައިވަނީ އެޕާޓީގެ ދަފްތަރަކަށް ކަމަށް ވަނީ ބުނެފައެވެ. އެމްޑީޕީގެ އިންތިޚާބުގައި އެެހެން ޕާޓީތަކުގެ މެމްބަރުން ވޯޓުލީ ކަމުގެ ޝަކުވާ އިއްޔެވެސް ވަނީ ހުށަހަޅާފައެވެ.
