އައްޑޫ ސިޓީގައި މިއަދު ދެ މާރާމަރީއެއް ހިންގާ ދެ މީހަކު ޒަހަމުކޮށްލައިފިއެވެ.
ފުލުހުން ބުނެފައިވަނީ އައްޑޫސިޓީގައި ދުއްވާފައި ދިޔަ ސައިކަލެއްގައި ތިބި ދެ މީހަކަށް ތޫނު އެއްޗަކުން ހަމަލާދީފައިވާ ކަމުގެ މައުލޫމާތު މިރޭ 20:05 އެހާކަންހާއިރު ފުލުހުންނަށް ލިބިފައިވާ ކަމަށެވެ. މި މާރާމާރީގައި އަނިޔާވެފައިވަނީ 27 އަހަރުގެ ފިރިހެނަކަށާއި 23 އަހަރުގެ އަންހެނަކަށް ކަމަށް ފުލުހުން ބުނެފައިވެއެވެ.
އައްޑޫ ސިޓީ ފްލެޓް ސަރަހައްދުގައި މިއަދު ވަނީ ތޫނު އެއްޗަކުން ހަމަލާދީ މީހަކު ޒަހަމުކޮށްލާފައެވެ. އަނިޔާވެފައިވަނީ 29 އަހަރުގެ ދިވެހި ފިރިހެނަކަށެވެ. އޭނާއަށް ހޮސްޕިޓަލްގައި ދަނީ ފަރުވާ ދެމުންނެވެ.
ހަމަލާ ދިނުމާއި ގުޅިގެން އެ މީހާގެ ގައިން ވަރަށް ގިނަ އަދަދަކަށް ލޭ އައިސްފައިވެއެވެ. ހަމަލާ ދިން ސަރަހައްދުގައި ވަރަށް ގިނަ އަދަދަކަށް ލޭ ހުއްޓެވެ. އަދި އާންމުވެފައިވާ ފޮޓޯތަކުން އެހެން މީހަކަށްވެސް އަނިޔާވެ ވެއްޓިފައި އޮތް މަންޒަރު ފެނެއެވެ.
އައްޑޫގައި މާރާމަތީތަކެއް ހިންގަމުންދާއިރު، މާރާމާރީތައް ހުއްޓުވުމަށް މަަސައްކަތް ކުރަމުންދާކަމަށް ފުލުހުން ވަނީ ބުނެފައެވެ.
