ޖިންސީ ގޯނާ އާއި ދެކޮޅަށް އައްޑޫސިޓީގައި މިއަދު ހަވީރު ކުރި މުޒާހަރާ އިތުރަށް ބޮޑުވެ، އެކަމުގައި ތުހުމަތު ކުރެވޭ ފުލުސް މީހާ ދިރިއުޅޭ ގެ ކައިރިއަށް އާއްމުން އެއްވެއްޖެއެވެ.
16 އަހަރުގެ ކުއްޖަކަށް ޖިންސީ ގޯނާ ކުރި މައްސަލައެއް އައްޑޫ ސިޓީން ފެންމަތި ވެފައިވަނީ މިމަހުގެ 14 ވަނަ ދުވަހުއެވެ. މިމައްސަލާގައި ތުހުމަތު ކުރެވެނީ ފުލުހަކަށް ކަމަށް މައުލޫމާތު ލިބިފައިވެއެވެ. މިއަދު އައްޑޫގައި ޖިންސީ ގޯނާއާއި ދެކޮޅަށް ކުރި މުޒާހަރާގައި މިހާރުވަނީ އެފުލުސް މީހާ ދިރިއުޅޭކަމަށް ގެ ކައިރިއަށް އެއްވެފައެވެ.
މިއެއްވުން ކޮންޓްރޯލް ކުރުމަށް ގިނަ އަދަދެއްގެ ފުހުން ދަނީ ހަރަކާތެރިވަމުންނެވެ. ފުލުސް މީހާ ދިރިއުޅޭ ގެ ކައިރިއަށް އެއްވެފައިވާ އާއްމުންގެ ގިނަ ބަޔަކު ވަނީ އޭނާ ހައްޔަރު ވަގުތުން ވަގުތަށް ހައްޔަރު ކުރުމަށް ފުލުހުންނަށް ގޮވާލާފައެވެ.
މި މުޒާހަރާގައި އައްޑޫގެ ގިނަ ބަޔަކު ބައިވެރިވެފައިވާއިރު، އޭގެ ތެރޭގައި އެސިޓީ ކައުންސިލްގެ ބައެއް މެމްބަރުން ވެސް ވަނީ ބައިވެރިވެފައެވެ.
