ބަހުރެއިންގެ ހުރިހާ ގައިދީންނަށްވެސް، އިސްލާހުވުމުގެ ފުރުސަތު ދިނުމުގެ ގޮތުން، ދެވަފަ ފުރުސަތު ދޭން އެގައުމުގެ ސަރުކާރުން ނިންމައިފި ކަމަށް، ބަހުރެއިންގެ ރަސްމީ ނޫސް އޭޖެންސީ BNA އިން ރިޕޯޓު ކޮށްފިއެވެ.
މީގެ ކުރިން އެގައުމުން ހަމަޖައްސާފައިވަނީ، ޖަލުގައި ބަންދު ކުރެވިފައިވާ ގައިދީން ދެވަނަ ފުރުސަތަކަށް ޝަރުތު ފުރިހަމަ ވާނީ، ހުމުގެ ދެބައި ކޮށްފަ އެއްބައި ފުރިހަމަ ކުރުމުން ކަމުގައެވެ.
އެހެންނަމަވެސް، ޖަލުތަކުގައި ހިންގާ އިސްލާހީ ޕްރޮގްރާމްގެ ދަށުން، މިހާރު ހަމަ ޖައްސާފައިވަނީ، ހުކުމް ކޮށްފައިވާ ހުރިހާ ކުށްވެރިންނަށްވެސ،ް އެމީހުންގެ ހުކުމް ތަންފީޒުކުރަން ފެށުމުގެ، ކުރިން ދެވަނަ ފުރުސަތު ދޭ ގޮތަށެވެ.
"ދެވަނަ ފުރުސަތުގެ ތެރޭގައި ހިމެނެނީ، މުޖުތަމަޢަށް ޚިދުމަތް ކުރުމާއި، ގޭގައި ބަންދު ކުރުމާއި، ވަކި ޚާއްސަ ތަންތަނަށް ނުދެވޭ ގޮތަށް އަމުރު ނެރުމާއި، ވަކި ބަޔަކާއި ބައްދަލު ނުކުރެވޭ ގޮތް ހެދުމާއި، ޓެގް އެޅުވުމާއި، ރިހިބިލިޓޭޝަން ޕްރޮގްރާމްތައް ހިންގުމުގެ އިތުރުން ބަދަލު ދިނުން،" ބަހުރެއިންގެ ރަސްމީ ނޫސް އޭޖެންސީ BNA އިން ރިޕޯޓު ކޮށްފައި ވެއެވެ.
"ޖިނާއި އަދުލުގެ ނިޒާމް އިސްލާހު ކުރުމަށް ހިންގޭ ޕްރޮގްރާމްގެ ތެރެއިން، ގައިދީންނަށް ދެވަނަ ފުރުސަތެއް ހޯދާ ދިނުމަށް މިހާރު ކޯޓުތަކަށް އިތުރަށް ފަސޭހަވާނެ ގައިދީންނަށް ދެވަނަ ފުރުސަތު ދިނުމަށް، އަދި ޝަރުޢީ ނިޒާމުން އިތުރަށް ސަމާލުކަން ދެމުންދާނީ، ކުށް ކޮށްފައި ތިބޭމީހުން އިސްލާހުކޮށް އެމީހުން އަލުން މުޖުތަމަޢަށް ނެރުމަށް،" ބަހުރެއިން ސަރުކާރުގެ ތަރުޖަމާން ވިދާޅުވެފައި ވެއެވެ.
އެމެރިކާގެ ސްޓޭޓް ޑިޕާޓްމަންޓުން 2017 ވަނަ އަހަރު ނެރުނު ހުއުމަން ރައިޓްސް ރިޕޯޓުގައި ވާގޮތުން، އެހާތަނަށް ބަހުރެއިންގައި ޖަލުގައި ބަންދުކުރެވިފައި ތިބި މީހުންގެ އަދަދަކީ 3،485 ގައިދީންނެވެ.
