ހުޅުމާލޭގައި ކުރިއަށްދާ ސްޓެލްކޯގެ އެކި މަސައްކަތްތައް ކުންފުނީގެ މެނޭޖިންގ ޑިރެކްޓަރ ހަސަން މުޣުނީ ބައްލަވައި ލައްވައިފިއެވެ.
މިއަދު ހަވީރު މުޣުނީ ވަނީ ހުޅުމާލެއަށް ވަޑައިގެން ސްޓެލްކޯގެ މަސައްކަތްތައް ކުރިއަށްދާ ސައިޓްތަކަށް ޒިޔާރަތްކޮށް ބައްލަވާ ލައްވާފައެވެ. ސްޓެލްކޯއިން މިދުވަސްވަރު ހުޅުމާލޭގައި ކުރިއަށް ގެންދާ އެންމެ މުހިންމު އެއް މަސައްކަތަކީ ހިޔާ ފްލެޓްތަކަށް ކަރަންޓު ދިނުމުގެ މަސައްކަތް ކުރުމެވެ. ސްޓެލްކޯއިން ވަނީ ފްލެޓްތަކުގެ ވެރިންނަށް ފަސޭހަކަމާއިއެކު ކަރަންޓުގެ ކަންކަން ހަމަޖައްސައި، ފްލެޓަކަށް ކަރަންޓް ދޫކުރަމުންނެވެ.
ސްޓެލްކޯގެ މެނޭޖިން ޑިރެކްޓަރ ހުޅުމާލެއަށް ކުރެއްވި ޒިޔާރަތުގައި، ކުންފުނީގެ އެންމެ ބުރަ މަސައްކަތް ކުރަމުންދާ ހުޅުމާލޭގައި މަސައްކަތް ކުރާ މުވައްޒިފުންނާއި ބައްދަލުކޮށް، މުވައްޒިފުންނަށް ދިމާވާ ދަތިތައް ވަނީ އޮޅުން ފިލުވާފައެވެ.
ސްޓެލްކޯއިން ދަނީ ކުންފުނީގެ ހިންގުން ހަރުދަނާކޮށް، މުވައްޒިފުންނަށް ފަހި ގޮތްތައް ތަނަވަސް ކޮށްދެއްވަމުންނެވެ. އަދި އާންމުންނަށް ފޯރުކޮށްދޭ ޚިދުމަތްތައް ފުރިހަމަ ކަމާއިއެކު ފޯރުކޮށް ދިނުމަށް އެކުންފުނިން އަބަދުވެސް މަސައްކަތް ކުރަމުންދެއެވެ.
