މާލޭގެ ސްކޫލެއްގެ ތެރޭގައި ކުއްޖަކަށް ތޫނު އެއްޗަކުން ހަމަލާދީ ޒަޚަމް ކޮށްލައިފިއެވެ.
ފުލުހުން ބުނެފައިވަނީ މިއަދު މާލޭގެ ސްކޫލެއްގައި މާރާމާރީ ހިންގާފައިވާކަމަށް ފުލުހުންނަށް ރިޕޯޓް ކޮށްފައިވާކަމަށެވެ. އެމައްސަލައާއި ގުޅިގެން ބަލަންޖެހޭ ކަންކަން ބަލަމުންދާކަމަށް ފުލުހުން ވަނީ ބުނެފައެވެ.
މައުލޫމާތު ލިބިފައިވާ ގޮތުގައި ހަމަލާދީފައިވަނީ ކަލާފާނު ސްކޫލުގެ ތެރޭގައި އެސްކޫލުގެ ދަރިވަރަކަށެވެ. ހަމަލާދީފައިވަނީ 16 އަހަރުގެ ކުއްޖަކަށް ކަމަށް މައުލޫމާތު ލިބިފައިވެއެވެ. އަދި އެކުއްޖާ ވަރަށް ބޮޑަށް ޒަޚަމް ކޮށްލާފައިވާކަމަށް މައުލޫމާތު ލިބެއެވެ. އޭނާއަށް މިހާރު އޭޑީކޭގައި ދަނީ ފަރުވާ ދެމުންނެވެ.
މިކަމާއި ގުޅިގެން އެޑިއުކޭޝަން މިނިސްޓްރީން އަދި އެއްވެސް އެއްވެއް ބުނެފައިނުވެއެވެ.
