ކުރީގެ ރައީސް އަބްދުﷲ ޔާމީންގެ މައްޗަށް އުފުލާފައިވާ ރިޝްވަތުގެ ދައުވާއާއި މަނީ ލޯންޑަރިންގެ ދައުވާގެ ޝަރީއަތަށް މިއަދު ހެނދުނު ކްރިމިނަލް ކޯޓަށް ހާޒިރުކޮށް ދެ ގަޑިއިރުވަން ދެން ކޯޓުގައި ބޭންދުމަށް ފަހު އެހެން ދުވަހަކަށް ޝަރީއަތް ބާއްވަން ނިންމައި މިއަދުގެ އަޑު އެހުން ނިންމާލައިފިއެވެ.
މިއަދު ކްރިމިނަލް ކޯޓުގައި މި ޝަރީއަތް ގެންދެވީ މި މައްސަލާގައި ދައުވާ އުފުލިފައިވާ ކްރިކް ރިޒާއާއި ސަން ކޮންސްޓްރަކްޝަން އެންޑް އިންޖިނިއަރިން ޕްރައިވެޓް ލިމިޓެޑާއި ސަން އިންވެސްޓްމެންޓް ޕްރައިވެޓް ލިމިޓެޑް ވެސް ހާޒިރުކޮށްގެން، ދެ ފަރާތުގެ ޝަރީއަތް އެކު އެކީގައެވެ. މި މައްސަލަތައް ބައްލަވާ ކްރިމިނަލް ކޯޓުގެ އިސް ގާޒީ އަހްމަދު ޝަކީލް ވިދާޅުވީ ގޮތުގައި، ޝަރީއަތުގެ އިތުރު މަރުހަލާތައް ކުރިއަށް ގެންދިއުމުގެ ކުރިން މައްސަލައަކީ އެ ކޯޓުގައި މަދަނީ މިންގަނޑުން ކުރިއަށް ގެންދެވޭނެ މައްސަލައެއް ކަން ނުވަތަ ނޫން ކަން ނިންމަން ޖެހޭކަމަށެވެ. ހުށަހެޅިފައިވާ ހެކިތަކަށް ރިއާޔަތްކޮށް ގާޒީ ނިންމެވީ އެ މައްސަލަތަކަކީ މަދަނީ މިންގަނޑުން ކުރިއަށް ގެންދެވޭނެ މައްސަލައެއް ކަމުގައެވެ.
ކްރިކް ރިޒާގެ ހުށަހެޅުއްވުންތައް ހުށަހަޅުއްވަން މި މަހުގެ 16 ވަނަ ދުވަހުގެ ހެނދުނު 9:00 ޖަހާއިރު އަޑުއެހުމެއް ބާއްވަން ތާވަލުކޮށްފައިވާ ކަން ގާޒީ ފާހަގަ ކުރެއްވިއެވެ. ސަން އިންވެސްޓްމަންޓްގެ ހުށަހެޅުއްވުންތަކަށް އެ ދުވަހު ހެނދުނު 10:00 ޖަހާއިރު އަދި ސަން ކޮންސްޓްރަކްޝަންސްގެ ހުށަހެޅުއްވުންތަކަށް 11:00 ޖަހާއިރު އަޑުއެހުމެއް ތާވަލު ކުރަން ނިންމާފައިވާ ކަން ގާޒީ ހާމަ ކުރެއްވިއެވެ. އެއަށް ފަހު މިއަދުގެ އަޑުއެހުން ކުރިއަށް ގެންދެވެން ނެތް ކަމަށް ވިދާޅުވެ ގާޒީ އަޑުއެހުން ނިންމަވާލައްވާފައެވެ.
ފަސް އަހަރުގެ ޖަލު ޙުކުމެއް ތަންފީޒުކުރައްވަމުން ގެންދަވާ ރައީސް ޔާމީންގެ މައްޗަށް މަނީ ލޯންޑްރިންގއާ ރިޝްވަތު ޤަބޫލުކުރުމުގެ ކުށުގެ ދައުވާ އުފުލާފައިވަނީ ރިސޯޓެއްގެ ގޮތުގައި ފުއްގިރި ތަރައްގީކުރަން ކުއްޔަށް ދޫކުރުމުގެ މުޢާމަލާތުގައި މަޤާމުގެ ނުފޫޒު ބޭނުން ކުރައްވައި 1.1 މިލިއަން ޑޮލަރު ހޯއްދަވައި ސަން ކޮންސްޓްރަކްޝަން އެންޑް އިންޖިނިއަރިން ޕްރައިވެޓް ލިމިޓެޑާއި ސަން އިންވެސްޓްމެންޓް ޕްރައިވެޓް ލިމިޓެޑް މެދުވެރިކޮށް އެ ފައިސާ ލޯންޑަކުރުމަށް ފަށަލަކޮށްފައިވާ މައްސަލާގައެވެ. ޔާމީންގެ އިތުރުން މިމައްސަލައިގައި މއ.ކުރިކީލަހިޔާ އަހްމަދު ކްރިކް ރިޒާއާއި ސަން ކޮންސްޓްރަކްޝަނާއި ސަން އިންވެސްޓްމެންޓްގެ މައްޗަށްވެސް ވަނީ ދައުވާ އުފުލާފައެވެ.
