މޯލްޑިވްސް ނޭޝަނަލް ޕާޓީ (އެމްއެންޕީ) އާއި، ގުޅުނު ފުރަތަމަ އަންހެން ކައުންސިލަރަކަށް، ދަނގެތި ކައުންސިލް މެމްބަރު ނައީމާ އަހުމަދު ވެއްޖެއެވެ.
ނައީމާ އެމްއެންޕީއާއި ގުޅިފައިވަނީ، އެޕާޓީ އުފެއްދުމުގައި އިސްކޮށް ހަރަކާތްތެރިވާ ދަނގެތި ދާއިރާގެ މެމްބަރު މުހައްމަދު ނާޒިމް، އެދައިރާއަށް މިހާރު ކުރައްވަމުންދާ ދަތުރުގެ ތެރެއިންނެވެ. ނައިމާ އަކީ އެޕާޓީއަށް ސޮއިކުރި ފުރަތަމަ އަންހެން ކައުންސިލަރެވެ.
އެމްއެންޕީއާއި ގިނަ އަދަދެއްގެ ބޭފުޅުން ދަނީ ގުޅެމުންނެވެ. އޭގެ ތެރޭގައި ސިޔާސީ ފުންނާބު އުސް ބޭފުޅުންނާއި، ފަންނީ ދައިރާތަކުގެ މީހުންނާއި، ގިނަ އާންމު ރައްޔިތުންވެސް ހިމެނެއެވެ.
އެމްއެންޕީ އުފެއްދުމަށް ބޭނުންވާ 3،000 މީހުންގެ ސޮއި މިހާރު ލިބިފައިވާއިރު، އެޕާޓީން މަސައްކަތް ކުރަނީ ޕާޓީ އުފެއްދުމަށް އިލެކްޝަނަށް ވައްދާއިރުވެސް 5،000 މެމްބަރުންނަށްވުރެ ގިނަ މީހުންގެ ސޮޔާއިއެކު އިލެކްޝަނަށް ހުށަހެޅުމެވެެ. އެމްއެންޕީ، ސިޔާސީ ޕާޓީއެއްގެ ގޮތުގައި އުފެއްދުމަށް އިލެކްޝަންސް ކޮމިޝަނުން މިދިޔަ މަހުގެ 15 ވަނަ ދުވަހު ހުއްދަ ދީފައިވަނީ ވިލިމާލެ ދާއިރާގެ މެންބަރު އަޙްމަދު އުޝާމަށެވެ.
ޕާޓީ އުފެއްދުމުގައި އުޝާމް އާއި ނާޒިމްގެ އިތުރުން ހަރަކާތްތެރިވަނީ ތިމަރަފުށި ދާއިރާގެ މެންބަރު އަބްދުﷲ ރިޔާޒާއި، ނިލަންދޫ ދާއިރާގެ މެންބަރު އަބްދުލްމުހުސިން އަބްދުލްހަމީދު އަދި ނޮޅިވަރަމް ދާއިރާގެ މެންބަރު މުހައްމަދު ނަޝީދު (މޮސްޓާ) ވެސް މިއަދުގެ ޕްރެސްކޮންފަރެންސްގައި ވަނީ ބައިވެރިވެފައެވެ.
