މީގެ އަހަރެއް ކުރިން އަރަބި ބައެއް ގައުމުތަކާއެކު، ސިޔާސީ ގުޅުން ގާއިމް ކުރުމަށްފަހު އިސްރާއީލުން ފުރަތަމަ ފަހަރަށް ބަހުރެއިންއަށް ސަފީރަކު އައްޔަން ކޮށްފައިވާކަން، އިސްރާއިލް ސަރުކާރުން އަރަބި ބަހުން ޓުވީޓު ކުރުމަށް ބޭނުންކުރާ ޓުވިޓައެކައުންޓުގައި ހާމަ ކޮށްފިއެވެ.
އިސްރާއީލުން ބަހުރެއިންއަށް ކަޑައެޅި ސަފީރު އެއިތަން ނައެހް ވަނީ، އިސްރާއީލުން ފާއިތުވި އަހަރުގެ އޮގަސްޓު މަހު ސިޔާސީ ގުޅުން އެންމެ ފުރަތަމަ ގާއިމްކުރި ގައުމުގައިވާ ޔުނައިޓެޑް އަރަބް އެމިރޭޓްސްގައި ގާއިމްކޮށްފައިވާ އިސްރާއީލު އެމްބަސީގެ ވަގުތީ ހެޑް އޮފް މިޝަންގެ ގޮތުގައި 8 މަސް ދުވަސް ހޭދަ ކުރައްވާފައެވެ.
2020 ވަނަ އަހަރުގެ ސެޕްޓެމްބަރު މަހު، ޔޫއޭއީއާއި ބަހުރެއިންއިން ވަނީ، އެމެރިކާ މެދުވެރިވެ ގާއިމްކުރި އެއްބަސްވުމެއްގެ ދަށުން، އިސްރާއީލާ ސިޔާސީ ގުޅުން ގާއިމްކުރުމަށް އެއްބަސްވެފައެވެ. އެއަށްފަހު ސޫދާން އާއި މޮރޮކޯއިންވެސް ވަނީ އިސްރާއީލާ ސިޔާސީ ގުޅުން ގާއިމް ކުރުމަށް އެއްބަސް ވެފައެވެ.
ބަހުރެއިންއިން އިސްރާއީލަށް ކަޑައެޅި އެންމެ ފުރަތަމަ ސަފީރު ޚާލިދު ޔޫސިފް އަލް ޖަލަހުމާ ވަނީ މިހަފްތާގައި އިސްރާއީލަށް ވަޑައިގެންފައެވެ.
A historic journey in the making accompanied by my wife. We are both very excited! pic.twitter.com/3qKstuNiZk
— Khaled Al Jalahma (@BahrainAmbIsr) August 31, 2021
