އަފްއާނިސްތާނުގެ އިރުމަތީގައި، އައިސްސް ޖަމާއަތާ ދެކޮޅަށް އެމެރިކާއިން ދިން ޑޮރޯން ހަމަލާ ތާލިބާން ޖަމާއަތުން ކުއްވެރި ކުރާކަމަށް އެޖަމާއަތުގެ ތަރުޖަމާ ވިދާޅުވެއްޖެއެވެ.
"އެއްވެސް ވައިގެ ހަމަލާއެއް އަފްއާނިސްތާނުގައި ދިނުމުގެ ކުރިން އެމެރިކާއިން އަހަރެމެންނަށް އަންގަން ޖެހޭނެ. އެއީ އަފްއާނިސްތާނުގެ ބިމުގައި ދެވުނު ހަމަލާއެއްކަން ވަރަށް ސާފު، އަދި އެހަމަލާގައި ދެމީހަކު މަރުެު، އަދި އިތުރު ދެ އަންހެނަކާއި ކުޑަ ކުއްޖަކަށް އަނިޔާވި،" ތާލިބާންގެ ތަރުޖަމާ ރޮއިޓާސް އާއި ވާހަކަ ދައްކަމުން ބުނެފައި ވެއެވެ.
ރޮއިންޓާސްއިން ރިޕޯޓު ކޮށްފައިވާ ގޮތުގައި، މެދުއިރުމަތީ ކޮން ގައުމެއްކަން ނޭގޭ ގައުމަކުން އުދުއްސާލާފައިވާ މި ޑްރޯންއިން ހަމަލާ އަމާޒު ކޮށްފައިވަނީ، ހަމަލާ އަމާޒުކުރި ފަރާތް އެހެން މީހަކާއެކީ ކާރެއްގައި ދަތުރު ކުރަމުން ދަނިކޮށެވެ.
އަދި އޮފިޝަލަކާ ހަވާލާދީ ރޮއިޓާސްއިން ރިޕޯޓު ކޮށްފައިވާ ގޮތުގައި މިހަމަލާގައި ކާރުގައި ތިބި ދެމީހުންވެސް މަރުވެފައިވާކަމަށް ވަނީ ބެލެވިފައެވެ.
ފާއިތުވެދިޔަ ހަފްތާގެ ބުރާސްފަތި ދުވަހު، ކާބުލްގެ އެއަރޕޯޓަށް ދިން ޓެރަރިސްޓުހަމަލާގެ ޒިންމާ އައިސިސް-ކޭއިން ވަނީ އުފުލާފައެވެ.
އައިސް-ކޭ އަކީ އަފްއާނިސްތާނުގެ ޚޮރަސަން ޕްރޮވިންސްގައި ހަރަކާތްތެރިވަމުންދާ އައިސިސް ޖަމާއަތުގެ ގޮތްޕެކެވެ.
ކާބުލް އިންޓަރނޭޝަނަލް އެއަރޕޯޓަށް އަމާޒުކޮށް މި ހަމަލާ ދީފައިމިވަނީ، 31 އޮގަސްޓުގެ ކުރިން، ގައުމުތަކުން، އަފްއާނިސްތާނުގެ ރެފިއުޖީން އެގައުމަށް ބޭރަށް ގެންދިއުމަށް ކުރަމުންދާ މަސައްކަތްތަކަށް އަމާޒުކޮށް، ހަގުރާމަވެރިންގެ ހަމަލާތައް އަމާޒުވެދާނެ ކަމުގެ އިންޒާރު އެމެރިކާއިން ދީފައިވަނިކޮށެވެ.
ކާބުލް އެއަރޕޯޓުގައި އެމެރިކާ ސިފައިން ހަރަކާތްތެރިވަމުން ސަރަހައްދަށް އަމާޒުކޮށް ޖާނުންފިދާވެގެން ދިން މިހަމަލާ ތާލިބާނުންވަނީ ކުށްވެރި ކޮށްފައެވެ. އަދި ބުނެފައިވަނީ އަފްއާނިސްތާނުގެ ރައްޔިތުންގެ ސަލާމަތާ ރައްކާތެރިކަން ކަށަވަރުކުރުމަށް އެޖަމާއަތުން ޚާއްސަ ސަމާލުކަމެއް ދެމުން ދާމަކަމަށާއި، އަދި މި ހަމަލާތައް ދެމުންދާ ފަރާތްތައް ހުއްޓުވުމަކަށް ގެންނާނެ ކަމަށެވެ.
ހަމަލާއަށްފަހު، އެމެރިކާގެ ރައްޔިތުންނާ މުޚާތަބްކޮށް ވާހަކަ ދައްކަވަމުން އެމެިރކާގެ ރައީސް ޖޯ ބައިޑްން ވިދާޅުވެފައިވަނީ، މިހަމަލާދިން މީހުން ހޯދާ އެމީހުން އިންސާފުގެ ކުރިމައްޗަށް ގެންނާނެ ކަމުގައެވެ.
