ބަރުލަމާނީ ނިޒާމަކީ ރައްޔިތުންނަށް އެންމެ ފައިދާ ހުރި ނިޒާމު ކަމަށާއި، އެއީ ދައުލަތް ނޮޅާލާ ނިޒާމު ނޫންކަމަށް ރައްޔިތުންގެ މަޖިލީހުގެ ތިމަރަފުށީ ދާއިރާގެ ކުރީގެ މެމްބަރު މުހައްމަދު މުސްތަފާ ވިދާޅުވެއްޖެއެވެ.

ރިޔާސީ ނިޒާމަކުން ބަރުލަމާނީ ނިޒާމަކަށް ބަދަލުވާން ހެޔޮ ނުވާނެ ކަމަށާއި އެ ހާލަތުގައި "ހުރިހާ އެއްޗެއް އަޅާލާނީ އެއް ޖީބަށް" ކަމަށް ޖުމްހޫރީ ޕާޓީގެ ލީޑަރު ގާސިމް އިބްރާހިމް ވިދާޅުވެ ދެއްކެވި ވާހަތަކާއި ގުޅިގެން މުސްތަފާ ވިދާޅުވީ ބަރުލަމާނީ ނިޒާމަކީ ރައްޔިތުންނަށް އެންމެ ފައިދަ ހުރި ނިޒާމު ކަމަށެވެ.

ބަރުލަމާނީ ނިޒާމަކީ ދައުލަތް ނޮޅާލައި، ވަކި މީހަކު މުއްސަދިވާނެ ނިޒާމެއް ނޫންކަމަށާއި، ރައްޔިތުން ބާރުވެރިކޮށް، ރައްޔިތުންނަށް ފައިދާހުރި ގޮތްތައް ވާނީ ބަރުލަމާނީ ނިޒާމުންކަމަށް، މުސްތަފާ ވިދާޅުވިއެވެ.

ބަލަ ޤާސިމް، ބަރުލަމާނީ ނިޒާމަކީ ރައްޔިތުންގެ ނިޒާމު. ރައްޔިތުންގެ ނިޒާމަކީ ރައްޔިތުންނަށް ބިރު ދައްކާ އަޅުވެތިކޮށް ގެންގުޅޭ ނިޒާމެއްނޫން. އަދި އެއީ ދައުލަތް ނޮޅާލައި، ނިޒާމެއްވެސް ނޫން.

– މުސްތަފާ ވިދާޅުވިއެވެ.

ގާސިިމް ވިދާޅުވީ، އެ ނިޒާމުގައި ގައުމުގެ ހިންގުމަށް ދައުލަތުން ބޮޑު ހޭދައެއް ކުރަން ޖެހޭނެ ކަމަށާއި ރަމްޒީ މަގާމެއްގައި ހުންނަވާ ރައީސުލްޖުމްހޫރިއްޔާ އަށް ވެސް ބޮޑު ހަރަދެއް ކުރަން ޖެހޭނެ ކަމަށެވެ. ގާސިމް ދެކެވަޑައިގަންނަވާ ގޮތުގައި މިހާ ކުޑަކުޑަ ގައުމަކުން އެއީ ކުރާނެ ބޭކާރު ހަރަދެކެވެ.

އޭނާ ވިދާޅުވިގޮތުގައި، ބަރުލަމާނީ ނިޒާމު ގެންނަން އުޅުއްވަނީ ކުރީގެ ރައީސް އަދި އެމްޑީޕީގެ ރައީސް މުހައްމަދު ނަޝީދުގެ "އަވައިގައި" ޖެހިގެން އުޅޭ ބައެކެވެ. ގާސިމް ވިދާޅުވީ، ރާއްޖޭގެ އެންމެ ކުޑަ ދާއިރާއަކުން ރައްޔިތުންގެ މަޖިލީހަށް ހޮވޭ މެމްބަރަކަށް ވެސް ސަރުކާރުގެ ވެރިއަކަށް ވެވޭނެ ކަމަށާއި އެ ހިސާބުން ރައްޔިތުންނާ ހަމައަށް އެ ބޭފުޅަކު ބަރުލަމާނީ ނިޒާމުގެ ވެރިކަމެއްގައި ވަޑައިގަންނަވަން ނުޖެހޭ ކަމަށެވެ.

މުސްތަފާ ވަނީ ބަރުލަމާނީ ނިޒާމު ގެނައުމަށް ރައީސް ޞާލިހަށް ހުށަހަޅާ ޕެޓިޝަންގައިވެސް ސޮއިކޮށް ޕެޓިޝަނަށް ޓާއީދު ހޯދުމަށްވެސް މަސައްކަތް ފަށާފައެވެ.

Barulamaanee petition ah thaaeed hodhumuge gothun @Thimarafushi aa @BondeM4 dorun dorah….@waddey_ @husnfirey @AadhuNathasha @AlaikaAyesh @Sallu7337 @MohamedNasheed @faadex @Simwarr @Sallu7337 @nautymatox @mnaweez @HassantayMDP pic.twitter.com/W3qbTCE7me

— Mohamed Nishan Ibrahim (@MohNishan) August 27, 2021

ރާއްޖޭގައި މިހާރު މިއޮތް ވެރިކަމުގެ ނިޒާމު ބަދަލުކުރެވޭނީ އާންމު ރައްޔިތުންގެ ވޯޓަކުން ކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްވަނީ ވިދާޅުވެފައެވެ. 2008 ވަނަ އަހަރު ދިވެހިން ބަލައިގަތް ފެހި ޤާނޫނު އަސާސީއަށް އަމަލުކުރަން ފެށުމުގެ ކުރިން ރާއްޖޭގައި އޮންނަން ބޭނުންވާ ވެރިކަމުގެ ނިޒާމު ކަނޑައެޅުމަށް ނެގި ރައްޔިތުންގެ ފެންނަ ނުފެންނަ ވޯޓުގައި 95،619 މީހުން ވޯޓުދީފައިވަނީ ރާއްޖޭގައި އޮންނަން ފެންނަނީ ރިޔާސީ ނިޒާމުކަމަށެވެ.

ބަރުލަމާނީ ނިޒާމު އޮންނަން ފެންނަކަމަށް ވޯޓުދީފައިވަނީ 58،504 މީހުންނެވެ. މި ވޯޓުގައި 199،841 މީހުން ވޯޓުލުމަށް ރަޖިސްޓްރީކުރިއިރު، ވެރިކަމުގެ ނިޒާމު ކަނޑައެޅުމަށް ވޯޓުދީފައިވަނީ 155،890 މީހުންނެވެ.