ރެޑްވޭވުން ވަރަށް ހެޔޮ އަގުތަކެއްގައި ހައިސެންސް އޭސީ ޕްރީއޯޑަރަށް!

ރެޑްވޭވުން ވިއްކާ ހައިސެންސް އޭސީ ޕްރީ އޯޑަރ ކުރުމަށް ބޭނުންވާ ފަރާތްތަކަށް އެ ފުރުސަތު ހުޅުވާލައިފިއެވެ.

ހައިސެންސް އޭސީ އަކީ ކަރަންޓު ޚަރަދު ކުޑަ އިންވާޓަރ ޓެކްނޮލޮޖީ އޭގައި ހިމެނޭ، އަދި އެނާރޖީ ސޭވިންގް އާރް-32 ގޭސް ބޭނުންކުރާގޮތަށް އުފައްދާފައިވާ މޮޅު އޭސީއެކެވެ. ރާއްޖޭގެ މާހައުލާ ގުޅޭގޮތަށް އުފައްދާފައިވާ ހައިސެންސް އޭސީ ޕްރީ އޯޑަރ ކުރުމުން އާންމުކޮށް ވިއްކަމުންދާ އަގުތަކަށްވުރެ ހެޔޮކޮށް ލިބޭނެކަމަށް ރެޑްވޭވުން ބުނެއެވެ.

މި އޭސީއާއެކު ހިލޭ އިންސްޓޮލޭޝަން ކިޓް ލިބޭނެކަމަށާއި އަދި އެއް އަހަރު ދުވަހުގެ ވޮރެންޓީ ލިބިގެންދާނެކަމަށްވެސް ރެޑްވޭވުން މައުލޫމާތު ދެއެވެ. 10،000 އާ 12،000 އަދި 18،000 ބީޓީޔޫގެ އޭސީ ޕްރީ އޯޑަރަށް ހުޅުވާލާފައި ވާއިރު، މި ތަކެތި ކަސްޓަމަރުންނާ ހަމައަށް ސެޕްޓެމްބަރު މަހުގެ ދެވަނަ ހަފްތާތެރޭގައި ލިބޭނެކަމަށްވެސް ރެޑްވޭވުން ބުނެއެވެ.

ހައިސެންސް އޭސީގެ އިތުރުން އެލްޖީ މެޝިންގެ 4 މޮޑެލްއަކާއި ޝާރޕް ރެފްރިޖެރޭޓަރވެސް ޕްރީއޯޑަރ އަށް ހުޅުވާލާފައި ވާކަމަށް އެކުންފުނިން ބުނެއެވެ. އަދި މި އައިޓަމްތައް އޯގަސްޓު މަހުގެ ފަހުކޮޅު ލިބިގެންދާއިރު މިއީ މިތަކެތި ބޭނުންވާ ކަސްޓަމަރުންނަށް އޮތް ރަނުގެ ފުރުސަތެއް ކަމުގައި ރެޑްވޭވުން ދެކެއެވެ.

ރެޑްވޭވްގެ ވެބްސައިޓް މެދުވެރިކޮށް ޕްރީ އޯޑަރ ކުރެވޭނެ އިންތިޒާމް އެކުންފުނިން ވަނީ ހަމަޖައްސާފައެވެ. މީގެ އިތުރުންވެސް ރެޑްވޭވް މެގަމޯލް، ޕެވިލިއަން، ހޯލްސޭލް އަދި ރެޑްވޭވް ލިވިންގ އިން އޯޑަރތައް ބަލައިގަންނާނެކަމަށް އެ ކުންފުނިން ހާމަކުރެއެވެ.