އަފްއަނިސްތާނުގެ ވެރިރަށް ކާބުލްގައި، އެގައުމުގެ އިންޓަރނޭޝަނަލް އެއަރޕޯޓަސް ދިން ޖާނުން ފިދާވުމުގެ ބޮމުގެ ހަމަލާތަކުގައި އެމެރިކާ ސިފައިންގެ 13 މީހަކާއި އަފްއާނިސްތާނުގެ 60 މީހުން މަރުވެ 159 މީހަކު ޒަޚަމް ވެއްޖެއެވެ.

އެމެރިކާއާއި އަފްއާނިސްތާނުގެ އޮފިޝަލުން މައުލޫމާތު ދީފައިވާ ގޮތުގައި މި ދެ ހަމަލާގެ ތެރެއިން އެއް ހަމަލާ، އެއަރޕޯޓުގައި އެމެރިކާ ސިފައިން ސަލާމަތީ ކަންކަން ބަލަހައްޓާ ސަރަހައްދަށް އަމާޒުކޮށް ދީފައިވާއިރު، އަނެއް ހަމަލާ އަމާޒުކޮށްފައިވަނީ އެއަރޕޯޓު ކައިރީގައި ހުންނަ، އާންމުކޮށް އެހެން ގައުމުތަކުގެ މީހުން ތިބޭ ހޮޓަލަކަށެވެ.

ކާބުލް އިންޓަރނޭޝަނަލް އެއަރޕޯޓަށް އަމާޒުކޮށް މި ހަމަލާ ދީފައިމިވަނީ، 31 އޮގަސްޓުގެ ކުރިން، ގައުމުތަކުން، އަފްއާނިސްތާނުގެ ރެފިއުޖީން އެގައުމަށް ބޭރަށް ގެންދިއުމަށް ކުރަމުންދާ މަސައްކަތްތަކަށް އަމާޒުކޮށް، ހަގުރާމަވެރިންގެ ހަމަލާތައް އަމާޒުވެދާނެ ކަމުގެ އިންޒާރު އެމެރިކާއިން ދީފައިވަނިކޮށެވެ.

މި ހަމަލާގެ ޒިންމާ މިހާރު އައިސިސްއިން ވަނީ އުފުލާފައެވެ.

ކާބުލް އެއަރޕޯޓުގައި އެމެރިކާ ސިފައިން ހަރަކާތްތެރިވަމުން ސަރަހައްދަށް އަމާޒުކޮށް ޖާނުންފިދާވެގެން ދިން މިހަމަލާ ތާލިބާނުންވަނީ ކުށްވެރި ކޮށްފައެވެ. އަދި ބުނެފައިވަނީ އަފްއާނިސްތާނުގެ ރައްޔިތުންގެ ސަލާމަތާ ރައްކާތެރިކަން ކަށަވަރުކުރުމަށް އެޖަމާއަތުން ޚާއްސަ ސަމާލުކަމެއް ދެމުން ދާމަކަމަށާއި، އަދި މި ހަމަލާތައް ދެމުންދާ ފަރާތްތައް ހުއްޓުވުމަކަށް ގެންނާނެ ކަމަށެވެ.

ހަމަލާއަށްފަހު، އެމެރިކާގެ ރައްޔިތުންނާ މުޚާތަބްކޮށް ވާހަކަ ދައްކަވަމުން އެމެިރކާގެ ރައީސް ޖޯ ބައިޑްން ވިދާޅުވެފައިވަނީ، މިހަމަލާދިން މީހުން ހޯދާ އެމީހުން އިންސާފުގެ ކުރިމައްޗަށް ގެންނާނެ ކަމުގައެވެ.