އަފްއަނިސްތާނުގެ ވެރިރަށް ކާބުލްގައި ދިން ޖާނުން ފިދާވުމުގެ ބޮމުގެ ހަމަލާތަކުގައި އެމެރިކާ ސިފައިންގެ 4 މީހަކު މަރާކައި އެތައް ބަޔަކު ޒަޚަމް ކޮށްލައިފިއެވެ.

އެމެރިކާގެ ދިފާއީ ވުޒާރާ ޕެންޓަގަންއިން ބުނެފައިވަނީ، ކާބުލްގެ އެއާޕޯޓަށް އަމާޒުކޮށް، މިއަދު ދީފައިވާ ޖާނުންފިދާ ވުމުގެ ހަމާލާގައި އެމެރިކާ ސިފައިންގެ "އެތައް ބަޔަކު" މަރުވެފައިވާ ކަމުގައެވެ.

"އަހަރުމެން ޔަގީން ކޮށްދެން، މިއަދު ކާބުލް އެއަރޕޯޓަށް ދީފައިވާ ހަމަލާތަކުގައި އެމެރިކާ ސިފައިންގެ އެތައްބަޔަކު މަރުވެފައިވާކަން،" ދިފާޢީ ވުޒާރާ ޕެންޓަގަންގެ ޕްރެސް ސެކެޓްރީ ޖޯން ކާރބީ ވިދާޅުވެފައި ވެއެވެ.

"އަދި އިތުރު އެތައް ބަޔަކަށް ދަނީ ލިބުނު ޒަޚަމްތަކަށް ފަރުވާ ދެމުން،" މި ރަހުމުކުޑަ ހަމަލާގެ ޝިކާރައަކަށް އަފްއާނިސްތާނުގެ އެތައް ބަޔަކުވެސް ވެގެން ގޮސްފައިވާކަން ހާމަކުރަމުން އޭނާ ވިދާޅުވެފައި ވެއެވެ.

Statement on this morning's attack at #HKIA: pic.twitter.com/Qb1DIAJQJU

— John Kirby (@PentagonPresSec) August 26, 2021

ކާބުލް އެއަރޕޯޓުގައި އެމެރިކާ ސިފައިން ހަރަކާތްތެރިވަމުން ސަރަހައްދަށް އަމާޒުކޮށް ޖާނުންފިދާވެގެން ދިން މިހަމަލާ ތާލިބާނުންވަނީ ކުށްވެރި ކޮށްފައެވެ. އަދި ބުނެފައިވަނީ އަފްއާނިސްތާނުގެ ރައްޔިތުންގެ ސަލާމަތާ ރައްކާތެރިކަން ކަށަވަރުކުރުމަށް އެޖަމާއަތުން ޚާއްސަ ސަމާލުކަމެއް ދެމުން ދާމަކަމަށާއި، އަދި މި ހަމަލާތައް ދެމުންދާ ފަރާތްތައް ހުއްޓުވުމަކަށް ގެންނާނެ ކަމަށެވެ.

ކާބުލް އިންޓަރނޭޝަނަލް އެއަރޕޯޓަށް އަމާޒުކޮށް މި ހަމަލާ ދީފައިމިވަނީ، 31 އޮގަސްޓުގެ ކުރިން، ގައުމުތަކުން، އަފްއާނިސްތާނުގެ ރެފިއުޖީން އެގައުމަށް ބޭރަށް ގެންދިއުމަށް ކުރަމުންދާ މަސައްކަތްތަކަށް އަމާޒުކޮށް، ހަގުރާމަވެރިންގެ ހަމަލާތައް އަމާޒުވެދާނެ ކަމުގެ އިންޒާރު އެމެރިކާއިން ދީފައިވަނިކޮށެވެ.