ކޯވިޑް-19 ޖެހިގެން ހުޅުމާލެ މެޑިކަލް ފެސިލިޓީގައި ފަރުވާދެމުންދިޔަ މީހަކު ނިޔާވެއްޖެއެވެ.
މިއީ ކޮވިޑްގައި މިއަދު ނިޔާވި ދެވަނަ މީހާއެވެ. މައުލޫމާތު ލިބިފައި ވާގޮތުގައި މިއަދު މެންދުރު ފަހު މި ބަލީގައި ނިޔާވީ ހުޅުމާލެ މެޑިކަލް ފެސިލިޓީގައި ފަރުވާދެމުންދިޔަ 46 އަހަރުގެ ދިވެހި އަންހެނެކެވެ.
މިއަދު ކޮވިޑްގައި ފުރަތަަމަ މީހަކު ނިޔާވެފައި ވަނީ އައްޑޫ ސިޓީންނެވެ. އައްޑޫން ނިޔާވެފައި ވަނީ ބަލި ޖެހިގެން ހޯމް ކަރަންޓީނުގައި ހުރި 92 އަހަރުގެ އަންހެނެކެވެ.
މިއާއެކު މިބަލީގައި ރާއްޖެއިން ނިޔާވީ މީހުންގެ އަދަދު ވަނީ 225 އަށް އަރާފައެވެ. މީގެތެރޭގައި ހިމެނެނީ 208 ދިވެހިންނާ 17 ބިދޭސީންނެވެ.
