ހޮލީވުޑްގެ ތަރި ސްކާލެޓް ޖޯންސަނަށް ފިރިހެން ދަރިއަކު ލިބިއްޖެކަން އޭނާގެ ފިރިމީހާ އިއުލާން ކޮށްފިއެވެ.
ސްކާލެޓް ޖޯންސަންގެ ފިރިމީހާ ކޮލިން ޖޮސްޓް ބުރާސްފަތި ދުވަހު ކުރި އިންސްޓަގްރާމް ޕޯސްޓެއްގައި ބުނެފައިވަނީ އެ ދެމީހުންނަށް ފިރިހެން ކުއްޖަކު ލިބިފައި ވާކަމަށާއި ދަރިފުޅުގެ ނަމަކީ ކޮސްމޯ ކަމަށެވެ.
View this post on Instagram
ސްކާލެޓް ބަލިވެއިންކަން ކޮލިން ހާމަކުރީވެސް ދާދިފަހުން، ސްޓޭންޑަޕް އެކްޓެއްގެ ތެރެއެއިންނެވެ. ކޮލިން މިކަން އިއުލާން ކޮށްފައިވަނީ، ސްކާލެޓް ބަނޑުބޮޑުކަމަށް ނޫސްތަކުގައި ރިޕޯޓްކޮށްފައި ވަނިކޮށެވެ.
މިއީ ކޮލިންގެ ފުރަތަމަ ދަރިފުޅުކަމުގައި ވިޔަސް މިއީ ސްކާލެޓްގެ ދެވަނަ ދަރިފުޅެވެ. ސްކާލެޓްގެ ފުރަތަމަ ކައިވެނިން އޭނާއަށް ވަނީ އަންހެން ކުއްޖަކު ލިބިފައިއެވެ. އެކުއްޖާ އަށް މިހާރު 6 އަހަރެވެ.
މާވެލް ސްޓާ ސްކާލެޓް އާއި ކޮލިން ކައިވެނިކޮށްފައިވަނީ ދެމީހުން ލޯބިވެރިންގެ ގޮތުގައި އެކުގައި 3 އަހަރު ހޭދަކުރުމަށް ފަހު 2020 ވަނަ އަހަރުއެވެ.
"ބްލެކް ވިޑޯ" ގެ ގިނަ ޕްރޮމޯޝަނަލް އިވެންޓް ތަކެއް ސްކާލެޓް ކެންސަލް ކުރުމާއި ގުޅިގެން އޭނާ އިނީ ބަަލިވެ ކަމަށް ގިނަ ނޫސްތަކުން މީގެކުރިން ރިޕޯޓް ކޮށްފައިވެއެވެ.
ސްކާލެޓް މިހާރު ކުރަމުންދާ މަސައްކަތަކީ އޭނާ ބޮޑު ސްކްރީނަށް އެނބުރި އަންނަ ފިލްމް ގެ މަސްކަތެވެ. އެއީ ވެޒް އެންޑަސްންގެ ފިލްމެކެވެ. މި ފިލްމް ގައި ސްކާލެޓް އާއި އެކުގައި ފެނިގެން ދާނީ ޓޮމް ހޭންކްސް އާއި މާގޮޓް ރޮބޮޓްއެވެ.
