ދިވެހި ރާއްޖޭގެ ސްކޫލުތަކާއި ކިޔަވައިދޭ މަރުކަޒުތަކުގައި އިސްލާމް އުނގަންނައިދޭ ޓީޗަރުންނާއި ގުޅޭގޮތުން ހަގީގަތާއި ޚިލާފްވާހަކަ ނުދެއްކުމަށް ވެރިކަން ކުރާ މައި ޕާޓީ އެމްޑީޕީގެ "ބީ" ފެކްޝަނަށް ޝައިޚު އަލީ ޒައިދު ގޮވާލައްވައިފިއެވެ.

އަލީ ޒައިދު މިފަދައިން ވިދާޅުވީ ދިވެހި ރާއްޖޭގެ ސްކޫލުތަކާއި ކިޔަވައިދޭ މަރުކަޒުތަކުގައި އިސްލާމް އުނގަންނައިދޭ ޓީޗަރުން ދަރިވަރުން ހަރުކަށިފިކުރަށް އަހުލުވެރިކުރުވާ ޚަބަރުލިބޭ ކަމަށް ރައްޔިތުންގެ މަޖިލީހުގެ ވިލުފުުށީ ދާއިރާގެ މެމްބަރު ޙަސަން ޢަފީފު ވިދާޅުވެ ދެއްކެވި ވާހަތަކަށް އިޝާރާތް ކުރައްވައެވެ.

ޝައިޚު ޒައިދު ވިދާޅުވީ ހަރުކަށި ފިކުރު އުފެދިން ދިމާވާ އެންމެ ބޮޑު އެއްސަބަބަކީވެސް ލާދީނިއްޔަތަށް ބައެއް ބޭފުޅުން ތާއީދުކޮށް ދައްކަވަމުންދާ ވާހަތަކުގެ ސަބަބުންކަމަށެވެ. ރާއްޖޭގެ އިސްލާމް އުގައްނައިދޭ މުދައްރިސުންނާއި، ދީނީ ގިނަ އިލްމުވެރިންނަކީ، 2 ބާވަތުގެ ހައްދު ފަހަނަ އަޅައި ދިއުމާއި ދެކޮޅަށް ވަކާލާތުކުރާ ހަރުދަނާ ބައެއްކަމަށް ޝައިޚު އަލީ ޒައިދު ވިދާޅުވިއެވެ. އެހެންކަމުން ދިވެހި އިސްލާމް ޓީޗަރުންނާއި، ދިމާލަށް އެކި ފާޑުފާޑުގެ ބަސްތައް ރައްދުކޮށް، އެފަދަ ވާހަތައް ނުދެއްކުމަށް ޝައިޚު ޒައިދު ވަނީ ގޮވާލާފައެވެ.

އިސްލާމް ޓީޗަރުންނާއި ބެހިނުލެއްވުމަށް "ބީ" ފެކްޝަންގެ ބޭފުޅުން ކައިރިން އެދެން! ހަރުކަށި ފިކުރު އުފެދުން ދިމާވާ އެންމެ މައިގަނޑު ސަބަބަކީ ލާދީނިއްޔަތަށް ބައެއް ބޭފުޅުން ތާއީދު ކުރުން! 2 ބާވަތުގެ ހައްދުފަހަނަ އެޅުމާއި، ދެކޮޅަށްވެސް އިސްލާމް ޓީޗަރުންނާއި، ގިނަ ޝައިޚުން މަސައްކަތް ކުރައްވާ.

– ޝައިޚު އަލީ ޒައިދު ވިދާޅުވިއެވެ.

Islam teacherunnaa behinuleh vumah B faction ge beyfulhun kairin edhen! Harukashi fikuru ufedhen dhimaavaa enme maigandu sababakee laadheeniyyathah baeh beyfulhun thaaeed kurun! 2 baavathuge hahdhu fahana elhumaa dhekolhah ves Islam teacherunnaa gina sheikhun masahkai kuravavaa!

— Ali Zaid (@alizaid1000) August 19, 2021

މެއި 6 ކޮމެޓީގެ ފަރާތުން އެމްޑީޕީގެ އެންމެ ފަހުން ބޭއްވި ޤައުމީ މަޖިލީހުގައި ވާހަކަ ދައްކަވަމުން ހަސަން ޢަފީފު ވިދާޅުވީ ބައެއް ސްކޫލުތަކާއި، ތަޢުލީމުދޭ ބައެއް މަރުކަޒުތަކުގައި، އިސްލާމް ޓީޗަރުންގެ ގޮތުގައި މަސައްކަތްކުރާ ފަރާތްތަކުން ދަރިވަރުންނަށްދޭ މަޢުލޫމާތަކީ ހަރުކަށިފިކުރަށް ދަރިވަރުން އެނބުރިދާނެފަދަ މަޢުލޫމާތުތައް ކަމަށް ފާހަގަވާ ކަމަށާއި ބައެއް ފަރާތްތަކުން ޚަބަރުލިބޭކަމަށާއި އެހެންކަމުން ސްކޫލު ދައުރުގައި އިސްލާމް ކިޔަވައިދޭ ޓީޗަރުންނަކީ ހަރުކަށިފިކުރު ނޫން ފަރާތްތަކަށް ވުން އެއީ އެކޮމެޓީއިން ވަރަށްބޮޑަށް އެދޭކަމެއް ކަމަށެވެ.

މީގެ އިތުރުން އެކޮމެޓީއިން އިސްލާމިކް މިނިސްޓްރީ އާއި ދެކެވުނު ވާހަކައިގެ ތެރެއިންވެސް މިކަން ފާހަގަކުރެއްވި ކަމަށާއި، އެ މިނިސްޓްރީއިންވެސް މިކަން ކުރަންޖެހޭކަމަށް ޤަބޫލުކުރައްވާ ކަމަށްވެސް ޢަފީފު ވިދާޅުވިއެވެ. އަފީފްގެ މިވާހަތަކުގެ ސަބަބުން ރާއްޖޭގެ ގިނަ އިސްލާމް އުގައްނައިދޭ ޓީޗަރުންނާއި، ގިނަ ބައެއްގެ ފާޑުކުޔުން ވަނީ އޭނާއަށް އަމާޒުވެފައެވެ.