މިފަހަރު ލިބިފައިވާ ފައިޒަރ ވެކްސިންް ޖެހުމަސް ހަމަޖެހިފައިވާ ފަރާތްތައް އެޗްޕީއޭއިން ކަނޑައަޅައިފިއެވެ.
އެމެރިކާ ސަރުކާރުން ދިވެހިރާއްޖެއަށް ހަދިޔާކުރި ފައިޒާ ވެކްސިންގެ 128700 ޑޯޒް ވެކްސިން ޖެހުމަށް ހަމަޖެހިފައިވަނީ ވަކި ފަރާތްތަކަކަށެވެ. މާދަމާ ވެކްސިން ޖަހަން ފަށާއިރު، ވެކްސިން ޖެހުމަށް ކަނޑަލާފައިވާ މީހުންގެ މައުލޫމާތު އެޗްޕީއޭއިން ވަނީ ހާމަކޮށްފައެވެ.
މާދަމާ ފައިޒާ ވެކްސިން ޖެހުމަށް ކަނޑައަޅާފައިވަނީ:
– 12 އަހަރާއި 17 އަހަރާއި ދެމެދު ކުދިން
– ދިފާއީ ނިޒާމްް ބަލިކަށި މީހުންް
– މާބަނޑު މީހުން
– މާބަނޑު މީހުންގެ ތެރެއިން ފުރަތަމަޑޯޒް ނުޖަހާ ފަރާތްތައް
– މާބަނޑު މީހުންގެ ތެރެއިންް ކޮވިޝީލްޑްް ފުރަތަމަ ޑޯޒްް ޖަހާފައިވާ ފަރާތްތަކުންް ފައިޒަރ ނުވަތަ އެސްޓްރޒެނެކާ ވެކްސިންޖެހުމަށްް ޚިޔާރުކުރެވިދާނެ
– .ކޮވިޝީލްޑްް ނުވަތަ ސައިނޯފާރމްް ވެކްސިންގެ ފުރަތަމަ ޑޯޒްް ޖަހައިގެންް ބޮޑު ސައިޑްއިފެކްޓެއް ކުރިމަތިވެފައިވާ، ދެވަނަ ޑޯޒަކަށްް ފައިޒަރްވެކްސިންް ޖެހުމަށްް އެޗް.އީ.އޭއިން ލަފާ ދެއްވާފައިވާ ފަރާތްތައްް
– ރާއްޖެއިންްބޭރުގައި ކިޔަވާ ނުވަތަ ކިޔަވަން ދާންްހަމަޖެހިފައިވާ ފަރާތްތަކުގެ ތެރެއިންް ކިޔަވަން ދާޤައުމުގައި ހަމައެކަނި ފައިޒަރ ޤަބޫލުކުރާ ޤައުމުތަކަށްް ކިޔަވަންދާ ފަރާތްތައް
– ދިފާއީ ނިޒާމްް ބަލިކަށި މީހުން
މާދަމައިން ފެށިގެން ފައިޒާގެ ފަހުގެ ޝިޕްމަންޓް ޖެހުމަށް ފަށާނެކަމަށް އެޗްޕީއޭއިން ވަނީ ބުނެފައެވެ. އަދި ވެކްސިން ޖަހަން ވަޑައި ގަންނަވާ ފަރާތްތަކުން އެޕޮއިޓްމަންޓް ހައްދަވައިގެން ވަޑައިގެނަތުމަށް ވަނީ ދަންނަވާފައެވެ.
ރާއްޖޭގައި ކޯވިޑަށް ޕޮޒިޓިވްވާ މީހުންގެ އަދަދުތައް ދަށްވާން ފަށާފައިވާއިރު، ސަރުކާރުން މިހާރު ވަނީ ރާއްޖޭގައި ވެކްސިން ކަވަރޭޖް މަތިކޮށް، ވެކްސިން ޖެހޭ އާބާދީގެ އެންމެނަށް ވެކްސިން ޖެހުމުގެ މުޅިން އައު ޕްރޮގްރާމެއް ފަށާފައެވެ. މި ޕްރޮގްރާމުގެ ދަށުން ވެކްސިން ޖެހުމަށް ޝަރުތު ހަމަވާ މީހުންގެ 90 އިންސައްތައަށް މިމަހުގެ ނިޔަލަށް ވެކްސިން ޖަހާ ނިންމުމަކީ ސަރުކާރުގެ އަމާޒެކެވެ.
