އިނގިރޭސި ޕްރިމިއާ ލީގަށް މިސީންގައި އަލަށް ޕްރޮމިޓްވި ބްރެންޓްފޯޑު އަތުން ލީގުގެ ފުރަތަމަ މެޗުގައި އާސެނަލް ބަލިވެއްޖެއެވެ.
ބްރެންޓްފޯޑުގެ ދަނޑުގައި ކުޅުނު މިމެޗުން އާސެނަލް ބަލިވެފައިވަނީ 2-0 އިންނެވެ. ބްރެންޓްފޯޑް ކޮމިއުނިޓީ ސްޓޭޑިއަމްގައި ރޭ ކުޅެވުނު މި މެޗުގައި ބްރެންޓްފޯޑުން ފުރަތަމަ ގޯލު ކާމިޔާބުކުރީ މެޗުގެ 22 ވަނަ މިނިޓްގައި ސާޖީ ކަނޯސް އެވެ. އަދި އެޓީމުގެ 2 ވަނަ ލަނޑު މެޗުގެ 74 ވަނަ މިނިތްގައި ކާމިޔާބުކޮސްދިނީ އެޓީމުގެ މެދުތެރެއަށް ކުޅެމުން ގެންދިޔަ ކްރިސްޓިއަން ނޯގާޑްއެވެ.
މިފަހަރުގެ ލީގުގެ ފުރަތަމަ މެޗުގައި އަލަށް ޕްރޮމޯޓްވި ބްރެންޓްފޯޑުން ވަނީ އާސެނަލް ކައިރީގައި މޮޅުކުޅުމެއް ދައްކާފައެވެ. މިއީ އާސެނަލް ލީގުގެ ފުރަތަމަ މެޗުން ބަލިވި ފުރަތަމަ ފަހަރެވެ. މި މެޗުގައި އާސެނަލުން ލަނޑުޖަހަށް މަސައްކަތް ކުރިނަމަވެސް ބްރެންޓްފޯޑުގެ ޑިފެންޑަރުންނާއި ކިޕަރުވަނީ އެކަން ހުއްޓުވާފައެވެ.
ލީގުގައި މިއަދާއި މިރޭވެސް ވަރުގަދަ މެޗުތަކެއް ކުޅޭނެއެވެ. މިއަދުގެ ފުރަތަމަ މެޗުގައި ވާދަކުރަނީ މެންޗެސްޓަރ ޔުނައިޓެޑާއި، ލީޑްސް ޔުނައިޓެޑެވެ. މިމެޗު ފަށާނީ ރާއްޖެ ގަޑިން ހަވީރު 16:30 ގައެވެ.
