ކުޑަ އަންހެން ކުއްޖަކަށް ޖިންސީ ގޯނާ ކުރިކަމުގެ ތުހުމަތުގައި މީހަކު ހައްޔަރުކޮށްފިއެވެ.
މި މައްސަލަ ފުލުހުންނަށް ހުށަހަޅާފައިވަނީ މި މަހުގެ 6 ވަނަ ދުވަހުއެވެ.
ފުލުހުންގެ މީޑިއާ އޮފިޝަލް ވިދާޅުވިގޮތުގައި އަޕަރ ނޯތު ޕޮލިސް ޑިވިޝަން (ހއ، ހދ، ށ.އަތޮޅު) ގައި ހިމެނޭ ރަށެއްގައި 15 އަހަރުގެ އަންހެން ކުއްޖަކަށް ޖިންސީ ގޯނާ ކުރިކަމުގެ ތުހުމަތުގައި މި މަހުގެ 7 ވަނަ ދުވަހު ހައްޔަރު ކޮށްފައިވަނީ 41 އަހަރުގެ ފިރިހެނެކެވެ.
މި މައްސަލަ ދަނީ ފުލުހުން ތަހްގީގް ކުރަމުންނެވެ. ފުލުހުން ވަނީ ކުޑަކުދިންނާ މެދު ހިންގާ އެކިބާވަތުގެ އަނިޔާތަކުގެ މައްސަލަތައް ލަސްނުކޮށް އެންގުމަށް އިލްތިމާސްކުރައްވާފައެވެ.
