ބޮލީވުޑްގެ މަޝްހޫރު ދެ ތަރިން ކަމުގައިވާ ރަންބީރު ކަޕޫރާއި އާލިއާ ބަޓް ލޯބީގެ ގޮތުން ގުޅިގެން އުޅޭތާ މިހާރު 3 ވަރަކަށް އަހަރު ވެއްޖެއެވެ. އަދި ދޭތެރެ ދޭތެރެއިން މި ދެތަރިންގެ ކައިވެނީގެ ވާހަކަވެސް އަޑުގަދަ ވެއެވެ.
މިއީ ގިނަބައަކަށް މަގުބޫލު ބޮލީވުޑް ޖޯޑެކެވެ. އަދި މި ދެތަރިންގެ ގުޅުމާއި މެދު ދެމީހުންގެ އާއިލާއިންވެސް އިންތިހާއަށް ރުހި ގަބޫލުކަން ވަނީ ހާމަވެފައެވެ. ދެއާއިލާ އެކުގައި އެކިއެކި އޮކޭޝަންތަށް ވެސް ފާހަގަ ކުރަމުންދެއެވެ. މިއާއެކު ދާފިފަހުން އާލިއާ ވަނީ މައިން ބަފައިންނާއި ވަކިވެ އެހެން ގެއަކަށް ބަދަލުވެފައެވެ. އެއާއި އެކު މިހާރު ރިޕޯޓުތަށް ބުނާގޮތުގައި މި ގޭގައި އާލިއާ އާއި ރަންބީރު އުޅެމުން އަންނަނީ އެކުގައެވެ.
View this post on Instagram
މި ދެތަރިންގެ ކައިވެންޏަކީ އެދެތަރިންގެ ފޭނުން އެންމެ އިންތިޒާރު ކުރަމުންދާ އެއްކަމެވެ. މިއަހަަރު މި ދެތަރިން ކައިވެނި ކުރާނެކަމުގެ އަޑުތަށް ގަދަވެފައި ވަނިކޮށް ބޮލީވުޑް އެކްޓްރެސް ލާރާ ދައްތާ ވަނީ އެދެމީހުން މި އަހަރު ކައިވެނި ކުރާނެކަމަށް ގަބޫލު ކުރެވޭކަމަށް ބުނެފައެވެ.
ލާރާ މިހެން ބުނެފައި ވަނީ ޓައިމްސް ނައުއަށް ދިން އިންޓަވިއުއެއްގައި ކުރިމަތިކުރުވި ސުވާލަކަށް ޖަވާބު ދެމުންނެވެ. ބޮލީވުޑުގެ ޒުވާން ޖޯޑުތަކާ ގުޅޭގޮތުން ސުވާލުކުރުމުން އޭނާ ބުނީ އޭނާ އަކީ ކުރީގެ ޖެނެރޭޝަންގެ މީހަކަށް ވުމުން ފަހުގެ ޖެނެރޭޝަންގެ ޖޯޑުތަކާގުޅޭގޮތުން އެއްޗެއް ބުނަން ނޭނގޭކަމަށެވެ. ނަމަވެސް ވަކިން ރަންބީރާއި އާލިއާގެ ވާހަކަ އެހުމުން އެދެމީހުން މިއަހަރު ކައިވެނި ކުރާނެ ކަމަށް ބެލެވޭ ކަމަށް ވާނީ ބުނެފެއެވެ.
ލާރާ ދައްތާގެ ކުރިއަށް އޮތް ފިލްމަކީ "ބެލް ބޮޓަމް"އެވެ. ލާރާ މިފިލްމުގައި ކުޅެފައި ވަނީ އިންޑިއާގައި މިހާތަނަށް ބޮޑުވަޒީރުކަން ކުރި ހަމައެކަނި އަންހެން ބޭފުޅާ ކަމަށްވާ އިންދިރާ ގާންދީގެ ރޯލެވެ. ލާރާއާއެކު މި ފިލްމުން އަކްޝޭ ކުމާރު، ވާނީ ކަޕޫރު އަދި ހުމާ ގުރައިޝީ ފެނިގެން ދާނެއެވެ.
