ނޫސްވެރިޔާ އަހުމަދު ރިޟުވާނު ޢަބްދުﷲ ގެއްލުވާލި މައްސަލާގައި މަރާލާފައިވާ މީހުންނާއި ގެއްލިފައިވާ މީހުންގެ މައްސަލަތައް ބަލާ ކޮމިޝަނަށް އޮތް އެންމެ ބޮޑު ގޮންޖެހުމަކީ ހެކިބަސް ދޭން ބޭނުންވާ ފަރާތްތަކަށް ރައްކާތެރި މާހައުލެއް ނެތުންކަމަށާއި، އެފަދަ މާހައުލެއް ގާއިމްކުރުމުގެ މަސައްކަތް ކުރަމުންދާކަމަށް އެކޮމިޝަނުން ބުނެފިއެވެ.
ގެއްލިފައިވާ ނޫސްވެރިޔާ ރިޞުވާންގެ ތަހުގީގުގައި ކުރަމުންދާ މަސައްކަތްތައް ހާމަކޮށް މަރު ކޮމިޝަނުން ނެރުނު ބަޔާނެއްގައި ބުނެފައިވަނީ ރިޝްވާން ޢަބްދުﷲ ގެއްލުވާލާފައިވާ މައްސަލައިގެ ޙަޤީޤަތް ހޯދައި، އެ މައްސަލައިގައި އިންސާފު ހޯދައިދިނުމަށްޓަކައި ގިނަ މަސައްކަތްތަކެއް ކޮމިޝަނުން ކުރަމުންދާކަމަށެވެ. އެގޮތުން، ކޮމިޝަނުން ކުރަމުންދާ މަސައްކަތްތައް އިތުރަށް ހަރުދަންކޮށް ކުރިއަށް ގެންދިއުމުގެ ގޮތުން، މޯލްޑިވްސް ޕޮލިސް ސަރވިސް އާއި، ރާއްޖެ އިން ބޭރުގެ މިފަދަ މައްސަލަތައް ތަޙުޤީޤު ކުރުމުގެ ދާއިރުގައި މަސައްކަތް ކުރައްވާ ތަޖުރިބާ ކާރުންގެ އެހީތެރިކަން ކޮމިޝަނުން ހޯދަމުންދާކަމަށެވެ.
އަޙްމަދު ރިޝްވާން ޢަބްދުﷲ ޤައުލެވާލާފައިވާ މައްސަލައާ ގުޅިގެން ކޮމިޝަނުން ކުރަމުންދާ ތަޙުޤީޤުގެ މައިގަނޑު އަމާޒަކީ، އަޙްމަދު ރިޝްވާން ޢަބްދުﷲ ގެއްލުވާލުމުގައި އެކި ބައިވެރިވެފައިވާ ފަރާތްތަކުގެ ތެރެއިން، އެ ޖަރީމާ ހިންގުމުގައި ކުޑަނަމަވެސް ބައިވެރިވުމެއް އޮތް ފަރާތެއްވާނަމަ، އެ ފަރާތެއް ޝަރީޢަތުގެ ކުރިމައްޗަށް ގެނެސް، އެ މީހަކު އެ ބައިވެރިވެފައިވާ މިންވައަކާ ގުޅިގެން ޒިންމާ ކުރުވައި، މި މައްސަލައިގައި އިންސާފު ހޯދައިދިނުންކަމަށެވެ.
މިމައްސަލާގައި ކޮމިޝަނަށް އޮތް އެންމެ ބޮޑު ގޮންޖެހުމަކީ މި މައްސަލައިގެ މަޢުލޫމާތު އެނގިތިބި ފަރާތްތައް ހެކިބަސް ދިނުމަށް ސަބަބުތަކާހުރެ ޖެހިލުންވުންކަމަށް ކޮމިޝަނުން ވަނީ ފާހަގަކޮށްފައެވެ. އެކަމަށް ޙައްލު ހޯދުމުގެ ގޮތުން، ދަޢުލަތުގެ ކަމާގުޅުން ހުރި މުއައްސަސާތަކާ މަޝްވަރާކޮށްގެން ޤާނޫނީ އިމުގެ ތެރެއިން ހެކިންނަށް ރައްކާތެރި މާޙައުލެއް ހަމަޖެއްސޭނެ ނިޒާމެއް ގާއިމުކުރުމުގެ މަސައްކަތް ކުރަމުންދާކަމަށް ކޮމިޝަނުން ބުނެފައިވެއެވެ.
އޭގެ ސަބަބުން، ޖިނާއީ ޢަދުލުގެ ނިޒާމަށް ރައްޔިތުންކުރާ އިތުބާރު ބޮޑުވެ ހެކިބަސް ދޭން ބޭނުންވާ ފަރާތްތަކުރާ، ހެކިބަސް ދިނުމަށް ޖެހިލުނުވުން ކުޑަކުރެވިގެންދާނެ ކަމަށާއި، ކަމަށްޓަކައި، ބޭރުގެ ކަމާގުޅޭ ތަޖުރިބާކާރުންގެ އެހީތެރިކަމާއެކު، ހެކިބަސް ދޭ ފަރާތްތަކަށް ރައްކާތެރިކަން ދިނުމާ ގުޅޭ ޕްރޮގްރާމެއް އެކުލަވާލުމުގެ މަސައްކަތް ދައުލަތުގެ ކަމާ ގުޅުންހުރި މުއައްސަސާތަކުގެ ބައިވެރި ވެމާއެކު ކޮމިޝަނުން ދަނީ މަަސައްކަތް ކުރަމުންކަމަށް ކޮމިޝަނުން ބުނެއެވެ.
މަރުގެ މައްސަލަތަކާއި، ރޜވީގެން ހިންގޭ ކުށްތަކާއި ޓްރަރިރަމްގެ ކުށްތައްފަދަ ހެކިންގެ ހެކިބަހުގެ މައްޗަށް ބަރޯސާވާ މިފަދަ ބޮޑެތި މައްސަލަތައް ތަޙުޤީޤު ކުރުމުގައި އެ މައްސަލަތަކުގައި ހެކިބަސް ދޭ ފަރާތްތަކަށް ރައްކާތެރިކަން ލިބިގެންދާނެ ހަރުދަނާ ނިޒާމެއް ޤާއިމްކުރެވިފައި އޮތުމުގެ މުހިއްމުކަން ދިވެހިރާއްޖެއަށް މިވަނީ ވަރަށް ބޮޑަށް ބޭނުތާވެފައިކަމަށްވެސް ކޮމިޝަނުން ބުނެފައިވެއެވެ.
