ރަށްރަށަށް ދާން ބޭނުންވެގެން ގިނަ ބަޔަކު ކޯވިޑް-19 އަށް ޓެސްޓް ކުރަމުން އަންނާތީ މިވަގުތު ނަތީޖާ ލިބުމުގައި ލަސްވުމަކީ އެކަށީގެންވާ ކަމެއް ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.
އެޗްޕީއޭއިން ބުނެފައިވަނީ ރަށްރަށަށް ދަތުރުކުރުމުގައި ގިނަ ފަރާތްތަކެއް ޕީ.ސީ.އާރ ޓެސްޓު ހަދަމުންދާ ކަމަށްޓަކައި މި ވަގުތު ޓެސްޓު ކުރަންޖެހޭ ސާމްޕަލްތައް ވަނީ ވަރަށް ބޮޑުތަން އިތުރުވެފައިވާކަމަށެވެ. އެހެންކަމުން ޓެސްޓުގެ ނަތީޖާ ލިބުން ލަސްވުން އެކަށީގެންވާ ކަމުގައި އެޗްޕީއޭއިން ވަނީ ބުނެފައެވެ.
އަދި ޓެސްޓުކުރުމުގައި ކޯވިޑް-19 ގެ އަލާމާތްތައް ހުރެގެން ނަގާ ސާމްޕަލްތަކާއި ޑައިރެކްޓް ކޮންޓެކްޓުންގެ ސާމްޕަލްތައް ޓެސްޓުކުރުމަށް އިސްކަންދެވޭނެކަމުގައިވެސް އެޗްޕީއޭއިން ވަނީ ބުނެފައެވެ.
ރަށްރަށަށް ދަތުރުކުރުމުގައި ގިނަ ފަރާތްތަކެއް ޕީ.ސީ.އާރ ޓެސްޓު ހަދަމުންދާ ކަމަށްޓަކައި މި ވަގުތު ޓެސްޓު ކުރަންޖެހޭ ސާމްޕަލްތައް ވަނީ ވަރަށް ބޮޑުތަން އިތުރުވެފައެވެ. އެހެންކަމުން ޓެސްޓުގެ ނަތީޖާ ލިބުން ލަސްވުން އެކަށީގެންވާ ކަމުގައި ދަންނަވަމެވެ. (1/2)
— Health Protection Agency (@HPA_MV) July 14, 2021
ވެކްސިން ފުރިހަމަކޮށް 14 ދުވަސްވުމުން، ނެގެޓިވް ޕީސީއާރު ޓެސްޓަކާ އެކު ރަށްރަށަށް ދެވޭ ގޮތަށް ގެނައި އުސޫލުގެ ދަށުން ކަރަންޓީނު ނުވާ ގޮތަށް ދެވޭނީ ފަސް ޕަސެންޓަށް ވުރެ ޕޮޒިޓިވިޓީ ރޭޓް ފަހަކަށް ވުރެ ދަށް ނަމައެވެ.
