މަޖިލީހުގެ އިދާރާގައި ހުންނަ، ޖުމްހޫރީ ޕާޓީގެ އޮފީހުގެ ބޭރުގައި "ސާލިހު ޕާޓީ" އަދި "އެމްއެމްޕީ" ނުވަތަ މޯލްޑިވްސް މިލިޓަރީ ޕާޓީ ލިޔެފައިވާ ކަރުދާސްގަަނޑެއް ތަތްކުރި މައްސަލަ، ރައްޔިތުންގެ މަޖިލީހުގެ އިމްތިޔާޒާއި ސުލޫކު ކޮމިޓީއަށް ހުށަހަޅައިފިއެވެ.

މަޖިލީހުގެ އިދާރާ އިން ކޮންމެ ސިޔާސީ ޕާޓީއަކަށް އޮފީހެއް ދޫކުރި އިރު، ޖޭޕީއަށްް ދޫކޮށްފައިވާ އޮފީހުގެ ބޭރުގައި "ސާލިހު ޕާޓީ" އަދި "އެމްއެމްޕީ" ލިޔެފައިވާ ކަރުދާސްގަނޑެއް ތަތްކޮށްފައި ހުއްޓާ ފެނުނީ މިދިޔަ ބުދަދުވަހުއެވެ. އިއްތިފާގުން އެ ދުވަސްވީ މަޖިލީހުގެ ސުޕަ މެޖޯރިޓީ އޮންނަ އެމްޑީޕީގެ ދެ ފެކްޝަނުގެ އަރައިރުން ބޮޑުވި ދުވަހެކެވެ.

މަޖިލީހުގެ އިދާރާގައި ހުންނަ، ޖުމްހޫރީ ޕާޓީގެ އޮފީހުގެ ބޭރުގައި "ސާލިހު ޕާޓީ" އަދި "އެމްއެމްޕީ" ނުވަތަ މޯލްޑިވްސް މިލިޓަރީ ޕާޓީ ލިޔެފައިވާ ކަރުދާސްގަަނޑެއް ތަތްކޮށްފައިވަނީ ޖުމްހޫރީ ޕާޓީގެ އިސް ބޭފުޅުންތަކެއްގެ ގޮތުގައި ހިމެނޭ ކާނަލް ނާޒިމްއާއި، ކުރީގެ ސީޕީ އަބްދުﷲ ރިޔާޒު އިސްކޮށް ހުންނަވައިގެން ސިޔާސީ ޕާޓީއެއް އުފެއްދުމަށް މަސައްކަތް ކުރަމުންދާ ދަނޑިވަޅެއްގައެވެ.

ކާނަލް ނާޒިމް ސިޔާސީ ޕާޓީއެއް އުފައްދަވަނީ، ރައްޔިތުންގެ މަޖިލީހުގެ މިހާރުގެ ބައެއް މެމްބަރުންގެވެސް ތާއީދާއެކީއެވެ. މިއާއިއެކު ޖުމްހޫރީ ޕާޓީގެ މެމްބަރުންގެ ގޮތުގައި މަޖިލީހުގައި ތަމްސީލް ކުރައްވާ މެމްބަރުންގެ އަދަދުވެސް މަދުވެގެން ދާނެއެވެ. ތިމަރަފުށީ ދާއިރާގެ މެމްބަރު އަބްދުﷲ ރިޔާޒުވެސް ވަނީ އިއްޔެ ޖުމްހޫރީ ޕާޓީން ވަކިވެ ވަޑައިގެންފައެވެ.

ޖުމްހޫރީ ޕާޓީގެ ޓެލެގްރާމް ގްރޫޕުގައި މިކަމާއި ގުޅޭގޮތުން ދެެކެވުނު ވާހަތަކުގައި ޤާސިމްވަނީ ހިނިގަނޑުގެ އިމޯޖީއެއް ފޮނުވަފައެވެ. އަދި ވިދާޅުވެފައިވަނީ ނާޒިމްވެސް އެއީ ވަކި ކަކުތޯ ގާސިމް ވަނީ ވިދާޅުވެފައެވެ.

ނާޒިމް އާ ސިޔާސީ ޕާޓީއެއް އުފައްދަވަން ނިންމަވާފައިވާއިރު، އޭނާ މީގެކުރިން ހުންނެވީ ޖުމްހޫރީ ޕާޓީގެ ލީޑަރ ގާސިމް އިބުރާހިމްގެ އެޑްވައިޒަރެއްގެ ގޮތުގައެވެ. އެހެންނަމަވެސް 2019ވަނަ އަހަރުގެ ނޮވެމްބަރުމަހު އޭނާވަނީ ގާސިމް އިބްރާހިމްގެ އެޑަވައިޒަރުކަމުގެ މަގާމުން އިސްތިއުފާ ދެއްވާފައެވެ.

އޭރު ނާޒިމް ބައެއް މީޑިއާތަކަށް ވިދާޅުވެފައިވަނީ، މި ސަރުކާރު ވެރިކަމަށް އައުމުގައި އެންމެ ބޮޑު ހިއްސާއެއްވެސްވި، ޖުމުހޫރީ ޕާޓީގެ މިސްރާބު ހުރިގޮތުން، ޕާޓީއާއިމެދު ބޮޑެތި ކަންބޮޑުވުންތަކެއް ހުރި ކަމުގައެވެ. އަދި ޖުމްހޫރީ ޕާޓީގެ ލީޑަރުގެ އެޑްވައިޒަރުކަމުން އިސްތިއުފާ ދެއްވި މައިގަނޑު ސަބަބަކީ އެއީކަމަށާއި، އެސަބަބާހުރެ ޕާޓީގެ މަސައްކަތުގައި އުޅުއްވަން ދަތި ކަމުގައިވެސް ނާޒިމް ވިދާޅުވިއެވެ.

މީގެއިތުރުންވެސް ޖުމުހޫރީ ޕާޓީގެ އިސް ސަފުގައި އުޅުއްވި ގިނަ މެމްބަރުތަކެއް ފަހަކަށް އައިސް ވަނީ ޕާޓީގެ މަސައްކަތްތަކުން ގެއްލިގަފައެވެ. މީގެތެރޭގައި ޖުމުހޫރީ ޕާޓީގެ ލީޑަރޝިޕްގައި މަސައްކަތް ކުރައްވަމުން ވަޑައިގެން، ތިމަފުށީ ދާއިރާގެ މެމްބަރު އަބްދުﷲ ރިޔާޒުވެސް ހިމެނިވަޑައިގަންނަވައެވެ.

ކާނަލް ނާޒިން އިސްވެ ހުންނަވާ އުފައްދަވާ ސިޔާސީ ޕާޓީ ވުޖޫދަށް އައުމުން އެ ޕާޓީ ވެގެންދާނީ ރާއްޖޭގައި މިހާރު ހިންގަމުންދާ 11 ވަނަ ސިޔާސީ ޕާޓީއަށެވެ.