ސިޔާސީ ޕާޓީއެއް އުފައްދައި، މިހާރަށްވުރެ ބޮޑަށް ޤައުމަށް ޚިދުމަތް ކޮށްދެއްވުމަށް ކަމަށްބުނެ، ޖުމްހޫރީ ޕާޓީން ދަނގެތި ދާއިރާގެ މެމްބަރު މުހައްމަދު ނާޒިމް ވަކިވެއްޖެއެވެ.
ޕާޓީން ވަކިވިކަން ހާމުކުރައްވައި ޖުމްހޫރީ ޕާޓީގެ ލީޑަރ ޤާސިމް އިބްރާހީމަށް ފޮނުއްވި ސިޓީގައި ނާޒިމް ވިދާޅުވީ ސިޔާސީ ޕާޓީއެއް އުފައްދައިގެން ދިވެހި ޤައުމަށާއި ރައްޔިތުންނަށް ޚިދުމަތް ކުރުމަށް އެމަނިކުފާނު ނިންމާފައިވާތީ ޖުމްހޫރީ ޕާޓީގެ މެންބަރުކަމުން ވަކިވެވަޑައިގަތީކަމަށެވެ.
ސިޔާސީ ޕާޓީއެއް އުފައްދާ ގައުމަށް މިހާރަށްވުރެ ފުޅާ ދާއިރާއެއްގައި ހިދުމަތްކުރަން ބޭނުންވާތީ މިއަދުން ފެށިގެން ޖުމްހޫރީ ޕާޓީއިން ވަކިވެއްޖެއައިން. pic.twitter.com/OV1mjrf49c
— Col(rtd)Mohamed Nazim MP (@nazim7878) July 12, 2021
އަދި ޖުމްހޫރީ ޕާޓީގެ ލީޑަރާއި މެންބަރުންގެ ފަރާތުން ވެވަޑައިގެންނެވި އެންމެހައި އެހީތެރިކަމާއި އެއްބާރުލުމަށް ޝުކުރު ދަންނަވާކަމަަށެވެ.
ނާޒިމް ޖޭޕީން ވަކިވެވަޑައިގެންފައިވާއިރު، އެމަނިކުފާނުގެ ގާތް އެކުވެރިޔާ އަދި ރައްޔިތުންގެ މަޖިލީހުގެ ތިމަރަފުށި ދާއިރާގެ މެންބަރު އަބްދުﷲ ރިޔާޒް ވެސް ވަނީ އިއްޔެ އެޕާޓީން ވެކިވެފައެވެ.
