ހއ. ހޯރަފުއްޓާއި ގުޅުވައި ތަރައްގީ ކުރަމުން އަންނަ އެއާޕޯޓަށް ލަފާ ފުރޭނެ ގޮތަށް ޖެޓީއެއް އަޅައި ދިނުމަށް އެދި އެ އަތޮޅުގެ ގިނަ ރަށްތަކަކުން ރައީސް އިބްރާހިމް މުހައްމަދު ސޯލިހަށް ސިޓީއެއް ފޮނުވައިފި އެވެ.
"ހަބަރު އޮންލައިން" އަށްވެސް މީގެ ތެރެއިން ބައެއް ސިޓީތަކުގެ ކޮޕީވަނީ ލިބިފައެވެ. ހއ.އަތޮޅު ކައުންސިލުން ރައީސުލްޖުމްހޫރިއްޔާއަށް ފޮނުވާފައިވާ ސިޓީގައި ބުނެފައިވަނީ އިހަވަންދިއްޕޮޅުގައި ތަރައްޤީ ކުރަމުންދާ އެއަރޕޯޓް މަޝްރޫޢު އެއްފަސްކޮށްފައިވަނީ ހޯރަފުށްޓާ ގުޅުވައިގެންކަމަށެވެ. އެހެންކަމުން އެރަށުގެ ރައްޔިތުންނަށް އެއްގަމު މަގުން އެއަރޕޯޓަށްމ ގޮސް އައިސް އުޅުމަކީ އޭގައި ތަކުލީފެއް އޮތްކަމެއްނޫންކަމަށެެވެ.
"ނަމަވެސް އަތޮޅުގެ އެހެން ރަށްރަށުގެ ރައްޔިތުންނަށާއި، ރިސޯޓްތަކަށް އަންނަ ފަތުރުވެރިންނާއެކު އެއްގަމުމަގުން ދަތުރުކޮށް ރަށުގެ ބަނދަރަށްގޮސް އެމީހުންދާން ބޭނުންވާ މަންޒިލަށް ދިއުމުގައި ގިނަ ވަގުތުތަކެއް ހޭދަވެގެންދާނެ. އެއަރޕޯޓަށް އަންނަ އުޅަނދުތަކުގެ ސަބަބުން އިތުރު މައްސަލަތަކާ ކުރިމަތިލާންޖެހުމަކީ އެކަށީގެންވާ ކަމެއް" މި ސިޓީގައި ބުނެފައި ވެއެވެ.
މިފަދަ ބޮޑެތި މަޝްރޫޢުތަކުން އެދެވޭ ހެޔޮ ނަތީއެއް ރައްޔިތުންނަށް ހޯދައިދިނުމަކީ، ސަރުކާރުގެ އުއްމީދަކަށްވާއިރު އެއަރޕޯޓާ ގުޅިފައިނުވާ އަތޮޅު ރައްޔިތުންގެ ތެރެއިން އެއަރޕޯޓާއި ދުރުހިސާބުތަކުގައި ހުރި ރަށްރަށުގެ ރައްޔިތުންނާއި، ކައިރި ރަށްރަށް ހިމެނޭގޮތުން ބޭނުންވާ އެއްކަމަކީ، އިހަވަންދިއްޕޮޅު އެއަރޕޯޓް މަޝްރޫޢުގެ ނިމުމުގެކުރިން ފަތުރުވެރިންނަށާއި، އަތޮޅުގެ ރަށްރަށުގެ ރައްޔިތުން އެއަރޕޯޓަށް އަރާފޭބުމުގެ ފަސޭހައަށްޓަކައި ޖެޓީއެއް ގާއިމްކޮށް ދެއްވުންކަމަށް މިސިޓީގައި ބުނެފައި ވެއެވެ.
ގުޅިގެން ހއ. އަތޮޅުގެ 14 ރަށުގެ ތެރެއިން 12 ކައުންސިލަކާއި އެ އަތޮޅު ކައުންސިލުން ރައީސަށް ސިޓީއެއް ފޮނުވާފައިވާ ކަން ވަނީ އެނގިފަ އެވެ. ވަކިވަކިން ފޮނުވި އެ ސިޓީގައި ހުރިހާ ކައުންސިލަކުން ވެސް ފާހަގަކޮށްފައިވަނީ ހޯރަފުށީ އެއާޕޯޓަށް ވަކިން ލަފާ ފުރޭނެ ގޮތް ނެތް ނަމަ، ރައްޔިތުންނަށް ދިމާވާނެ ދަތިތަކާގުޅޭ ކަންބޮޑުވުމެވެ.
ކޮމެންޓު ފޮނުވާ