އެކި މަޤާމުތައް ދިނުމުގައި މިހާރު މީހާގެ މާޒީގައި ކޮށްފައިވާ ނޭއްގާނީ ކަންކަމަށް ބެލުމެއް ނެތްކަމުގައި ކުރީގެން ބަންޑާރަ ނައިބް ދިޔާނާ ސައީދު ވިދާޅުވެއްޖެއެވެ.
ވަގަށް ނަގައި މަރާލާފައިވާ މިނިވަން ނޫހުގެ ނޫސްވެރިޔާ އަހުމަދު ރިލްވާންގެ މައްސަލާގައި މަރުގެ މައްސަލާގައި އިހުމަލުވި އެންއައިސީގެ ކުރީގެ މެންބަރު އަހުމަދު އަމީނަށް އެންޓިކޮރަޕްޝަން ކޮމިޝަން (އޭސީސީ)ގެ ހެޑް އޮފް އިންވެސްޓިގޭޝަންގެ މަގާމު ދިނުމުއި ގުޅިގެން ދިޔާނާ ވިދާޅުވީ މިއަދު މިފަދަ ބޮޑެތި މައްސަލަތަކުގައި އިހުމާލުވި މީހުންނަށް މަޤާމު ދިނުމުގައި، ކުރިން ވެފައިވާ އިހުމާލުވުންތަކަށް ނުބަލާކަމަށެވެ.
މިހާރު އޮތް ދޮންކެޔޮ ޖުމްހޫރިއްޔާގައި ފައްކާވެފައިވަނީ އާއިލީ ގާތްތިމާގެ ކަމުގެ ތެރެއިން މަޤާމުތަކާއި ބާރުތައް ލިބިދޭ ނިޒާމެއްގެ ގޮތުގައިކަމަށް ދިޔާނާ ވިދާޅުވިއެވެ. ވައްކަމުގެ މައްސަލަތަކުގައާއި، ބޮޑެތި އިހުމާލުވެފައިވާ މީހުންނަކީވެސް އާއިލީ ގާތްތިމާގެ ކަމެއްނުވަތަ، ގާތް މީހެއްކަމުގައިވާނަމަ އެމީހަކަށް މަޤާމު ދިނުމަކީ މިއަދު ފަރިތަވެފައިވާ ކަމެއްކަމަށް ދިޔާނާ ވިދާޅުވިއެވެ.
ދޮންކެޔޮ ޖުމްހޫރިއްޔާގައި ފައްކާކޮށް މިއޮތީ ބަޑީ ނިޒާމު. މިތާކު ވަގެއްތޯ، އިހުމާލިވެފައި އޮތްތޯ، ކޮލިފައިޑްތޯ ބެލުމެއް ނޯންނާނެ، މިތާގައި އޮންނަނީ އެންމެ ހުކޫމަތެއް، އެއީ ނުފޫޒުގައި ތިބި މީހުންނާއި އާއިލީ ނުވަތަ އެވަރުގެ ގުޅުމެއް އޮތްތޯ.
– ދިޔާނާ ވިދާޅުވިއެވެ.
މިނިވަން މުއައްސަސާއެއްގެ މަސްއޫލިއްޔަތު އަދާކުރަން ފޭލްވި އަމީނަކީ އޭސީސީގައި މިހާރު ތިއްބަވާ މެންބަރުންނާ "ގާތް ގުޅުމެއް" އޮންނަ ބޭފުކެވެ. އިންވެސްޓިގޭޝަން ހެޑްގެ މަގާމަށް އަމީން އައްޔަންކޮށްފައިވަނީ އެ ފަރާތްތަކުގެ އެދުމުގެ މަތިންކަންވެސް ވަނީ އެނގިފައެވެ.
ރިލްވާނުގެ މައްސަލައިގެ އިތުރުން މ. އުޖާލާގެއަށް ފުލުހުން ވަދެ އެގޭގައި ހުރި އާންމު ރައްޔިތަކަށް އަނިޔާކުރި މައްސަލާގައިވެސް އޭރު އެންއައިސީގެ އިހުމާލު އޮތްކަން ވަނީ ހާމަވެފައެވެ.
