ރައީސް މުހައްމަދު ނަޝީދުގެ ކަނާއަތުގެ ތިން އިނގިއްޔެއްގެ ހަރަކާތް ވަރަށް ކުޑަ ކަަމަށް އެމްޑީޕީގެ "މެއި ހައެއް ކޮމެޓީ" ގެ މުގައްރިރު ހަސަން އަފީފް ވިދާޅުވެއްޖެއެވެ.
ހަސަން އަފީފް މިކަން ހާމަކޮށް ދެއްވާފައިވާއިރު، ރައީސް ނަޝީދުގެ ފޭކް އެކައުންޓުން ކުރެއްވި ޓްވީޓެއްގައިވެސް ވަނީ މިކަން ހަފްސީލް ކޮށްދެއްވާފައެވެ. ރައީސް ނަޝީދު ވިދާޅުވެފައިވަނީ އެތެރެފުށަށް ލިބިވަޑައިގެންނެވި ހުރިހާ ޒަހަމަކަށް ފަރުވާ ލިބި ފަސޭހަވެފައިވާ ކަމަށެވެ. އަދި ފައިގައި ހުރި ފާރުގަނޑެއް ނުހިކި ހުރި ނަމަވެސް ބޭރަށް ފެންނަން ހުރި އެހެން ހުރިހާ ޒަހަމެއް ފަސޭހަވެފައިވާ ކަމަށެވެ. ނަމަވެސް ކަނާތުގެ ތިން އިނގިއްޔެއް ހަރަކާތް ކުޑަކަމަށް ރައީސް ނަޝީދުގެ ޓްވީޓުގައި ވިދާޅުވެފައިވެއެވެ.
Leela, My right Thumb, Index and Middle fingers are numb. Left year drum has two holes, can’t completely bend the right elbow and left foot has a wound. Can’t use that leg. But I feel that I am on the mend. All my internal organs are fine. I thank Allah that I have survived.
— Alex Ahmed (@anedhivehirajje) June 24, 2021
ރޭބޭއްވި އެމްޑީޕީގެ ޤައުމީ މަޖިލިސްގައި ވާހަކަ ދައްކަވަމުން ހަސަން އަފީފް ވިދާޅުވީ ރައީސް ނަޝީދުގެ ވައަތުގެ އޮޅަނބޮށީގެ ހަރަކާތުގެ 50 ޕަސެންޓް ހުއްޓިފައިވާ ކަމަށެވެ. އަދި ކަނާއަތުގެ ތިން އިނގިއްޔެއްގެ ހަރަކާތް ވަރަށް ކުޑަ ކަަމަށެވެ. ހަސަން ވިދާޅުވީ ރައީސް ނަޝީދު ވިދާޅުވި ގޮތުގައި 90 ޕަސެންޓްގެ ހަރަކާތް ނުކުރެއެވެ.
މެއި މަހުގެ 6 ވަނަ ދުވަހުގެ ރޭ ކެނަރީގެއިން ނިކުމެ ވަޑައިގެން ކާރުކޮޅަށް އަރުއްވަނިކޮށް ވަނީ އެމަނިކުފާނު އަވަހާރަކޮށްލުމަށް ބޮމެއް ގޮއްވާލާފައެވެ. އެ ހަމަލާއިން ލިބިވަޑައިގެންނވި ޒަޚަމްތަކަށް އޭޑީކޭގައި ފަރުވާ ހޯއްދެވުމަށްފަހު އިތުރު ފަރުވާ ހޯއްދަވާފައިވަނީ ޖަރުމަންވިލާތުގެ އަސްކަރީ ހޮސްޕިޓަލަކުންނެވެ. އަދި ހޮސްޕިޓަލުން ވަނީ މިހާރު އެމަނިކުފާނު ދޫކޮށްލައްވާފައެވެ.
ރައީސް ނަޝީދު މިއަދު ކުރެއްވި ޓްވީޓެއްގައި ވިދާޅުވީ، އެ ހަމަލާއިން ވަރަށް ގިނަ އަނިޔާ ލިބިވަޑައިގެންނވިކަމަށެވެ. ނަމަވެސް މަސައްކަތްކުރައްވަނީ އެ އަނިޔާތަކުން އަރައިގަނެ ހެޔޮ ހާލުގައި ރާއްހެ ދިއުމަށްމަށް ރައީސް ނަޝީދު ވިދާޅުވިއެވެ.
އަޅުގަނޑަށް ލިބިފައިހުރި އަނިޔާ ވަަރށް ގިނަ. އެހެން ނަމަވެސް އަޅުގަނޑު މަސައްކަތްކުރަނީ މާތް ﷲ ގެ ރަޙްމަތްފުޅާއެކު މި އަނިޔާތަކުން އަރައިގަނެ، ހެޔޮ ހާލުގައި ރައްޖެ ދިއުމަށް.
– ރައީސް މުޙައްމަދު ނަޝީދު
ރައީސް ނަޝީދު ރާއްޖެ ވަޑައިގަންނަވާނެކަމަށް ވިދާޅުވެފައިވާއިރު، އެ ހަމަލާއިން ލިބިވަޑައިގެންނެވި ޒަހަމްތަކުގެ ތެރެއިން ފަޔަށް ލިބިވަޑައިގެންނެވި ޒަޚަމް ފިޔަވައި އެހެން ހުރިހާ ޒަހަމްތަކެއް ފަސޭހަ ވެފައިވާ ކަަމަށް އެމަނިކުފާނުގެ އާއިލާއިން ވަނީ ވިދާޅުވެފައެވެ.
މިމަހުގެ 6ވަނަ ދުވަހުގެރޭ ރައީސް ނަޝީދު ދިރިއުޅުއްވާ ގ.ކެނެރީގެއިން ނުކުމުވަޑައިގެން ނީލޯފަރު ހިނގުމުން މަޖީދީމަގާވީކޮޅަށް ހިނގަވާފައި ވަޑައިގެން ކާރުކޮޅަށް އަރާވަޑައިގަންނަވަނިކޮށް ބޮމެއް ގޮއްވާލުމާ ގުޅިގެންވަނީ ބޮޑެތި އަނިޔާތަކެއް ލިބިފައެވެ.
މިއަނިޔާތަކާއި ގުޅިގެން 16 ގަޑިއިރުގެ ނުރައްކާތެރި އޮޕަރޭޝަންތަކެއް އޭޑީކޭ ހޮސްޕިޓަލުގައި ވަނީކޮށްފައެވެ. ގޮއްވާލި ބޮމުން ބުރައިގެންދިޔަ ތޫނު ދަގަނޑު އެތިކޮޅުތަކުގެ ތެރެއިން އެތިކޮޅެއް، އެމަނިކުފާނުގެ ސީދާ ހިތަށް ނުވަދެ ހުރީ އެންމެ ސެންޓިމީޓަރެއްގެ ދުރުމިންކަމަށާއި، އެ އެތިކޮޅު ރައީސް ނަޝީދުގެ ހިތަށް ނުވަދެ ސަލާމަތްވީ އެމަނިކުފާނުގެ މޭކަށިގަނޑުގައި ޖެހި ކަށިގަނޑު ފުނޑުފުނޑުވުމުގެ ސަބަބުން އެ އެތިކޮޅު އެތެރެއަށް ދިޔުން މަތަވެގެންކަމަށްވެސް ޑޮކްޓަރުން ވަނީ ވިދާޅުވެފައެވެ.
އޭޑީކޭ ހޮސްޕިޓަލުން ގިނަ ސާޖަރީތަކެއް ހައްދަވައި ފަރުވާ ހޯއްދެވުމަށްފަހު، އިތުރު ފަރުވާއަށް އެމަނިކުފާނު ޖަރުމަން ވިލާތަށް ވަޑައިގެންނެވީ މިމަހުގެ 13ވަނަ ދުވަހުގައެވެ. ޖަރުމަންވިލާތުގެ ދަތުރުފުޅުގެ ހުރިހާ ޚަރަދެއް ހަމަޖައްސަވަނީ ޖަރުމަންވިލާތުގެ ސަރުކާރުންކަމަށް ރައްޔިތުންގެ މަޖިލީހުގެ އިދާރާއިން ވަނީ ހާމަކުރައްވައިފިއެވެ.
ރައީސް ނަޝީދަށްދިން ބޮމުގެ ޙަމަލާއާއި ގުޅިގެން މިހާތަނަށްވަނީ އެހަމަލާގައި އަމަލީގޮތުން ބައިވެރިވި މީހުންނާއި، ބޮންގޮއްވާލި ސައިކަލުގެ ވެރިފަރާތް ހިމެނޭހެން ޖުމްލަ 5 މީހަކު ހައްޔަރުކޮށްފައެވެ.
ކޮމެންޓު ފޮނުވާ