އިރާނާ ދެކޮޅަށް އެމެރިކާއިން އަޅާފައިވާ ތެލުގެ ދަތިކުރުމުގެ ދިޔަވަޅުތައް އުވާލުމަށް އެމެރިކާއިން ނިންމާފައިވާ ކަމަށް، ދައުރު ފުރިހަމަ ކުރައްވާ ވަޑައިގަންނަވާ، އެގައުމުގެ ރައީސް ހަސަން ރޫހާނީ ވިދާޅުވެއްޖެއެވެ. އަދި މީގެތެރޭގައި މުދާ އެތެރެކުރުމާއި ބޭރުކުރުމާ ދެކޮޅަށް އަޅާފައިވާ ދަތިކުރުމުގެ ފިޔަވަޅުތައްވެސް ހިމެނޭކަމަށް ހަސަން ރޫހާނީ ވިދާޅުވެފައި ވެއެވެ.
އެހެންނަމަވެސް، ޖާރމަނީން ބުނެފައިވަނީ، 2015ގެ ނިއުކުލިއަރ އެއްބަސްވުމަށް ރުޖޫޢަވުމަށް އިރާނާ ދުނިޔޭގެ ބާރުތަކާ ދެމެދު ކުރެވެމުންދާ މަޝްވަރާތަކުގައި ހިމެނޭ މުހިންމު މައްސަލަތައް އަދިވެސް ހުރީ ހައްލު ނުވެއެވެ.
އިރާނުގެ ރައީސް ހަސަން ރޫހާނީގެ ޗީފް އޮފް ސްޓާފު ދައްކަވާފައިވާ ވާހަަކަފުޅުތަކުން، ރޫހާނީގެ އަރިސް ބައެއް އޮފިޝަލުން، މިއަހަރުގެ އެޕްރިލްމަހުން ފެށިގެން ކުރިޔަށްދާ މިވާހަކަތަކުގައި އެމެރިކާއިން ބޯޑެތި ދޫތަކެއް ދޭނެކަމަށް ވިދާޅުވެ ކުރިން ދައްކަވާފައިވާ ވާހަކަތަށް ބާރު ލިބިދެއެވެ.
އެމެރިކާއިން ބްލެކް ލިސްޓު ކޮށްފައިވާ، މިހާތަނަށް އިރާނުގެ ޝަރުޢީ ދާއިރާގެ އެންމެ އިސް ވެރިއެއްގެ ގޮތުގައި ހުންނެ ރައިސީ، އިންތިޚާބު ކުރިތާ 2 ދުވަސް ފަހުން، ވިއެނާގައި ކުރިޔަށްދާ މި މަޝްވަރާތައް، މިހަފްތާގެ އާދީއްތަ ދުވަހުންފެށިގެން ވަނީ، ކުރު މުއްދަތަކަށް މެދުކަޑާލާފައެވެ.
"އިރާނުގެ ތެލަށާއި އަދި މުދާ އެތެރެ ކުރުމަށާއި ބޭރުކުރުމާއި ދެކޮޅަށް ކުރީގެ ރައީސް ޑޮނަލްޑް ޓްރަމްޕްގެ ވެރިކަމުގައި 2015 އަޅާފައިވާ ހުރިހާ ދަތިކުރުމުގެ ފިޔަވަޚުތަކެއް އުވާލުމާމެދު މިހާރުވަނީ އެއްބަސްވުމަކަށް އާދެވިފަ،" ރޫހާނގެ ޗީފް އޮފް ސްޓާފް މަހުމޫދު ވައެޒިއާއި ހަވާލާދީ އިރާނުގެ ދައުލަތުގެ ޓީވީން ރިޕޯޓު ކޮށްފައި ވައެވެ.
އިރާނުގެ ފަރާތުންނާއި އަދި ވާހަކަތަކުގައި ބައިވެރިވާ ހުޅަގުގެ އެހެނިހެން އޮފިޝަލުންވެސް ވިދާޅުވެފައިވާ ފަދައިން، ޖަރމަނީގެ ޚާރިޖީ ވަޒީރު ހެއިކޯ މާސްވެސް ބުދަ ދުވަހު ވިދާޅުވެފައިވަނީ، މިވާހަކަތަކުގައި އަދިވެސް ބޮޑެތި ޚިޔާލުތަފާތު ވުންތަކަށް ވަނީ ހައްލު ހޯދަން ޖެހިފައެވެ.
"އަހަރެމެންނަށް ކުރިއެރުން ލިބެމުން ދިޔަ ނަމަވެސް، އަދިވެސް ދޫކުރަންޖެހޭ ބައެއް ނަޓުތައް އެބަހުރި،" އެމެރިކާގެ ސެކެޓްރީ އޮފް ސްޓޭޓް އެންތަނީ ބްލިންކަން އާއިއެކު ބޭއްވި ނޫސްވެރިންގެ ބައްދަލު ވުމެއްގައި މާސް ވިދާޅުވެފައި ވެއެވެ.
މާސް ވިދާޅުވެފައިވަ ގޮތުހައި، ހަރުކަށި ސިޔާސަތުތަކަށް ތާއިދުކުރާ، އިބުރާހިމް ރައިސީ އިރާނުގެ ރިޔާސީ އިންތިޚާބު ކާމިޔާބު ކުރިކަމުގައިވި ނަމަވެސް، މިވާހަކަތަކުގެ ނަތީޖާއަކާ ހަމައަށް ދަތުރު ކުރެވޭނެ ކަމުގައެވެ.
އެމެރިކާގެ ނޭޝަނަލް ސެކިއުރިޓީ އެޑްވައިޒަރ ޖޭކް ސުލިވަން މިހަފްތާގެ އާދީއްތަ ދުވަހު ވިދާޅުވެފައިވަނީ "ދަތުރު ކުރަންޖެހޭ އެންމެ ރަގަޅުވަރުގެ ރާސްތާއެއް"، އަޅާފައިވާ ދަތިކުރުމުގެ ފިޔަވަޅުތަކާ ގުޅޭގޮތުންނާއި އަދި ނިއުކުލިއަރ ހަކަތައާއި ގުޅޭގޮތުން، މިއެއްބަސްވުމަށް އަލުން އިއަދަވުމުގައި އަދިވެސް އެބަވެއެވެ.
