ޒުވާން ތަރި ދިޝާ ޕަޓާނީގެ 28 ވަނަ އުފަންދުވަސް އޭނާ ފާހަގަ ކޮށްފައިވަނީ އޭނާގެ ލޯބިވެރިޔާގެ ގޮތުގައި އަޑުފެތުރިފައިވާ ޓައިގާ ޝްރޮފްއާއި އެކުގައި އޭނާގެ ގޭގަ އެވެ. މި ޕާޓީގައި ޓާއިގާގެ އާއިލާގެ ހުރިހާ މެމްބަރުން ވެސް ބައިވެރިވެފައިވެ އެވެ.
ދިޝާވަނީ އޭނާގެ އިންސްޓްގްރާމުގައި މި އުފާވެރި ދުވަހު ނަގާފައިވާ ބައެއް ފޮޓޯތައް ހިއްސާކޮށްފަ އެވެ. އުފަންދުވަސް ފާހަގަ ކުރުމަށް ދިޝާވަނީ ޓައިގާއާ އެކު ސަލްސާ ޑާންސެއް ކޮށްފަ އެވެ. ޓައިގާ ވަނީ މި ނެށުމުގެ ވީޑިއޯ ބެލުންތެރިންނާއި ހިއްސާކޮށްފައެވެ.
ކޭކެއްގެ ގޮތުގައި ޓައިގާގެ އާއިލާއިން ދިޝާއަށް ދީފައިވަނީ ނަރުޓޯ ކޭކެވެ. ނަރުޓޯއަކީ ޖަޕާނުގެ އެނިމޭޓެޑް ކާޓޫންއެކެވެ. އެނގިފައިވާ ގޮތުގައި ނަރުޓޯއަކީ ދިޝާ އެންމެ ގަޔާވާ ކާޓޫން ކެރެކްޓަރ އެވެ.
ދިޝާ އާއި ޓައިގާ މިހާ ގާތްކޮށް އުޅުނު ނަމަވެސް އެދެމީހުންނަކީ ލޯބިވެރިންކަން ނުވަތަ ނޫންކަން ދެމީހުންކުރެ އެއްވެސް މީހަކު މިހާތަނަށް ކަށަވަރުކޮށްދީފައި ނުވެއެވެ.
ދިޝާގެ އުފަންދުވަސް ކަމަށްވާ ޖޫން 13 ވަނަ ދުވަހު ގިނަބަޔަކު އޭނާއަށް އުފަންދުވަހުގެ ތަހުނިޔާ ފޮނުވާފައިވެ އެވެ. މީގެ ތެރޭގައި ޓައިގާގެ ކޮއްކޮ ކްރިޝްނާ ޝްރޮފް ހިމެނެއެވެ. ކްރިޝްނާ ބުނެފައިވަނީ 28 އަކީ ރަނގަޅު އަހަރެއް ކަމަށެވެ.
ދިޝާ އާންމުކޮށް އޭނާގެ އުފަންދުވަސް ހޭދަ ކުރަނީ ޓާއިގާގެ ގޭގައިކަމަށް ވެއެވެ. އެގޮތުން ޓައިގާގެ އާއިލާއިން ދިޝާ ދެކެނީ އެމީހުންގެ އަމިއްލަ ދަރިއެއްގެ ގޮތުގައެވެ. ޓައިގާގެ އާއިލާގެ އެންމެންގެ ތެރެއިން ދިޝާ އެންމެ ގާތްކަން އޮނަނީ ކްރިޝްނާއާ ކަންވެސް ފާހަގަވެ އެވެ.
ކޮމެންޓު ފޮނުވާ