ރެޑްވޭވް ރޯދަ ސޭލްގެ ނަސީބުވެރިން ހޮވައިފި

100،000ރ ގެ ފައިސާގެ އިނާމާއި އަގުހުރި އެތައް އިނާމްތަކެއް ކަނޑައަޅާފައިވާ "ރެޑްވޭވް ރޯދަސޭލް 2021″ ގެ ނަސީބުވެރިން ހޮވައިފި އެވެ.

ރާއްޖޭގެ އެންމެ ބޮޑު އެއް ސުޕަރމާރކެޓް ޗެއިން؛ "ރެޑްވޭވް" ގެ 12 ފިހާރައިގައި 1 ފެބުރުއަރީ އިން 30 މެއިގެ ނިޔަލަށް ކުރިއަށްގެންދިޔަ "ރެޑްވޭވް ރޯދަސޭލް 2021″ ޕްރޮމޯޝަންގެ އެއްވަނަ އިނާމަކަށް ކަނޑައަޅާފައި ވަނީ 100،000 ރުފިޔާގެ ފައިސާގެ އިނާމެވެ. 100،000ރ ގެ ފައިސާގެ އިނާމްގެ ނަސީބުވެރި ފަރާތަކީ "އަބްދުލް ބާރީ" (ކޫޕަން ނަމްބަރ: 0131069) އެވެ.

ޕްރޮމޯޝަންގެ ލަކީޑްރޯ ކުރިއަށް ގެންގޮސްފައިވަނީ ރެޑްވޭވް މެގަމޯލް ގައެވެ. ރެޑްވޭވްގެ ފޭސްބުކް ޕޭޖުން މި އިވެންޓު ވަގުތުން ދައްކާފައިވެއެވެ.

މިޕްރޮމޯޝަންގައި ކަސްޓަމަރުންކުރި 500ރ އިން މަތީގެ ކޮންމެ ވިޔަފާރިއަކަށް ކޫޕަނެއްވަނީ ދޫކޮށްފަ އެވެ. އެގޮތުން އެތައްހާސް ކޫޕަންގެ ތެރެއިން އެއްވަނަ އިނާމްގެ ހައްގުވިފަރާތުގެ އިތުރުން، ރެޑްވޭވްގެ ބްރޭންޑްތަކުން 20 އިނާމް ހައްޤުވާ 20 ފަރާތެއްވަނީ ހޮވާފައެވެ. މީގެ އިތުރުންވެސް 10،000ރ ފައިސާގެ އިނާމް ހައްޤުވާ 5 ފަރާތްވެސް ވަނީ ހޮވާފައެވެ.

މި އިނާމްތަކުގެ އިތުރުން، ރެޑްވޭވް ރޯދަ ސޭލްގެ ތެރޭގައި ރެޑްވޭވްގެ ފޭސްބުކްގެ ޕޯސްޓްތަކަށް ލައިކް އަދި ޝެއަރކޮށް – ޓޮޕްފޭން ބެޖް ހޯދިފަރާތްތަކަށް، 5 ނަސީބުވެރި ފަރާތެއްވަނީ ހޮވާފައެވެ. މި ފަރާތްތަކުގެ ތެރެއިން 1 ވަނައަށް 55 އިންޗި ތޮޝިބާ ޓީވީއެއް ވަނީ ދީފައެވެ. މި އިނާމް ލިބިފައިވަނީ "ތާއިއު ރަޝީދަ"ށެވެ. ހުރިހާ އިނާމެއްގެވެސް އިތުރު ތަފްސީލް ރެޑްވޭވް ގެ ސޯޝަލް މީޑިއާ އެކައުންޓުތަކުން ލިބެންހުންނާނެ ކަމަށް އެ ކުންފުނިން މައުލޫމާތުދެއެވެ.

ރެޑްވޭވުން ބުނީ މިއަހަރުގެ ރެޑްވޭވް ރޯދަސޭލް ވެގެންދިޔައީ ވަރަށް ކާމިޔާބު އަދި ކަސްޓަމަރުންގެ ފުރިހަމަ ތަރުހީބު ލިބިގެންދިޔަ ޕްރޮމޯޝަނަކަށެވެ. އަދި މިހާރު ޔޫރޯއާއި ދިމާކޮށްގެންދާ ކުރިއަށްގެންދާ ހައިސެން ޕްރޮމޯޝަން ފަދަ އެތައް ހާއްސަ ޕްރޮމޯޝަނެއް ކުރިއަށް އޮތްތާވެސް ކުރިއަށްގެންދާނެ ކަމަށް ރެޑްވޭވުން މައުލޫމާތު ދެއެވެ.