ޗައިނާއިން އުފައްދާފައިވާ ކޯވިޑް19 ވެކްސިނެއް ކަމުގައިވާ ސިނޮފާމް ވެކްސިންގެ 2 ޑޯޒް ހަމަކުރުމަށްފަހު، 3 ވަނަ ޑޯޒެއްގެ ގޮތުގައި ފައިޒަރ ވެކްސިން ޖެހުމުގައި އެއްވެސް މައްސަލައެއް ނެތްކަމުގެ ޔަގީންކަން، ޔުނައިޓެޑް އަރަބް އެމިރޭޓްސްގެ ޑޮކްޓަކުން އެގައުމުގެ ރައްޔިތުންނަށް ދީފިއެވެ.
އަދި ޑޮކްޓަރުން ބުނެފައިވަނީ، ސިނޮފާމް ވެކްސިންގެ 2 ޑޯޒް ފުރިހަމަ ކުރުމަށްފަހު، 3 ވަނަ ޑޯޒެއްގެ ގޮތުގައި ފައިޒަރ/ބައޯއެންޓެކް ވެކްސިން ޖެހުންމުން، 3 ވަނަ ޑޯޒުން ކޯވިޑް19އިން އިތުރަށް ރައްކާތެރިކަން ފޯރުކޮށްދޭނެ ކަމަށެވެ.
ޔުނައިޑެޓް އަރަބް އެމިރޭޓްސްއިން ފާއިތުވެދިޔަ ހަފްތާގައި ވަނީ، ސިނޮފާމް ވެކްސިންގެ ދެ ޑޯޒް ފުރިހަމަ ކޮށްފައިވާ އެގައުމުގެ ރައްޔިތުންނަށް، އިތުރު ރައްކާތެރިކަމން ފޯރުކޮށްދިނުމުގެ ގޮތުން، ބޭނުންވާ ފަރާތްތަކަށް ފައިޒަރ ވެކްސިން ޖެހޭނެ އިންތިޒާމް ހަމަޖައްސާ ދީފައެވެ.
އާބާދީގެ ބޮޑު ބަޔަކަށް މިހާރު ވެކްސިން ޖަހާފަައިވާ ޔޫއޭއީން އެންމެ ފުރަތަމަ އެގައުމުގެ ރައްޔިތުންނަށް ފޯރުކޮށްދޭން ފަށާފައިވަނީ ސިނޮފާމް ވެކްސިނެވެ. އެހެންނަމަވެސް، ދުނިޔެއަށް އިތުރު ވެކްސިންތައް އާންމު ވެގެން ދިއުމާއެކު، އެހެން ވެކްސިންތައްވެސް ވަނީ ބޭނުންކުރަން ފަށާފައެވެ.
މިގޮތުން ފާއިތުވެދިޔަ މޭމަހު، ޔޫއޭއީންވަނީ، މީގެ މަދުވެގެން 6 މަސް ކުރިން ސިނޮފާމް ވެކްސިން ޖަހާފައިވާ ފަރާތްތަކަށް، 3 ވަނަ ޑޯޒެއްގެ ގޮތުގައި ފައިޒަރ ވެކްސިން ޖެހުމުގެ ފުރުސަތު އެގައުމުގައި ހުޅުވާލާފައެވެ.
ބަލިން އިތުރަށް ރައްކާތެރި ކޮށްދޭ ޑޯޒެއްގެ ގޮތުގައި ފައިޒާ ވެކްސިން ޖެހުމުގެ ފުރުސަތު ޔޭއޭއީގެ ރައްޔިތުންނަށް އެގައުމުގެ އިދާރާތަކުން ހުޅުވލާފައިވާއިރު، އަވައްޓެރި ބަހުރެއިންއިންވެސް ވަނީ، ހަމަ މިއުސޫލުން، 3 ވަނަ ޑޯޒެއްގެ ގޮތުގައި ފައިޒަރ/ބައޯއެންޓެކް ވެކްސިން ޖެހުމުގެ ފުރުސަތު އެގައުމުގެ ރައްޔިތުންނަށްވެސް ހުޅުވާލާފައެވެ.
ފާއިތުވެދިތަ ފެބްރުއަރީމަހު ޔޫއޭއީއަށް އައި ކޯވިޑް19ގެ ޕީކްގައި ދުވާލަކަށް 3,977 މީހުން ޕޮޒިޓިވް ވަމުން އައިނަމަވެސް، މިހާރު މިއަދަދު ވަނީ ދުވާލަކަށް 2،000 މީހުންނަށް ދަށްކުރެވިފައެވެ. އެހެންނަމަވެސް، މިއަދަދަކީވެސް، ފާއިތުވި އަހަރުގެ ޑިސެމްބަރުމަހު ޕޮޒިޓިވް ވަމުން ދިޔަ މީހުންނަށްވުރެ ދެގުނަ މަތީ އަދަދެކެވެ.
