ޤައުމުގެ ކުރިމަގު ބިނާކުރުމަށް ނިންމާ ނިންމުންތަކުގައި ޒުވާނުންނަށް ބަސް ބުނުމުގެ ފުރުޞަތު ދެއްވާނެކަމަށް ވިދާޅުވެ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ޒުވާނުންގެ ދުވަހުގެ ތަޙުނިޔާ ދަންނަވައިފިއެވެ،
މިއަދު ރާއްޖޭގައި ފާހަގަކުރަމުންދާ ޒުވާނުންގެ ދުވަހާއި ގުޅިގެން ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ކުރެއްވި ޓްވީޓެއްގައި ވަނީ ރާއްޖޭގެ އެންމެހާ ޒުވާނުންނަށް ދުވަހުގެ ތަހުނިޔާ ދަންނަވާފައެވެ. ރައީސް ވިދާޅުވީ ޤައުމު ކުރިއެރުވައި ހެޔޮ މިސްރާބަށް ގެންދިއުމުގައި އެންމެ އިސް ބަޔަކީ ޒުވާނުންކަމަށެވެ. އެހެންކަމުން ޒުވާނުންނަށް ހުރި ފުރުޞަތުތައް ފަހިކޮށްދީ ޤައުމުގެ ކުރިމަގު ބިނަކުރުމަށް ހުރި ކަންކަމުގައި ޒުވާނުންގެ ބަސް މުހިންމުކަމަށާއި އެފުރުޞަތު ޒުވާނުންނަށް އޮންނާނެކަމަށްވެސް ރައީސުލްޖުމްހޫރިއްޔާ ވިދާޅުވިއެވެ.
My best wishes to young people across the Maldives on National Youth Day. Our youth are the drivers of our nation. Our duty is to unlock their full potential by providing them opportunities and including their say in deciding the future of our community.
— Ibrahim Mohamed Solih (@ibusolih) October 22, 2020
މިސަރުކާރުން އަންނަނީ ޒުވާނުންނަށް ގިނަ ފުރުޞަތުތަކެއް ފަހިކޮށްދީ ޒުވާނުންނަށް ތަޢުލިމާއި ތަމްރީންގެ ފުރުޞަތުތައް ހޯދައިދެމުންނެވެ. އަދި ޒުވާނުން ބިނާކުރުމަށްވެސް ސަރުކާރުން ބޮޑު ޚަރަދެއް ކުރަމުން އަންނައިރު ދައުލަތުގެ ބަޖެޓުން އެކަމަށް ބޮޑު ޢަދަދެއް ކަނޑައަޅާފައިވެއެވެ.
ކޮންމެ އަހަރަކުވެސް ފާހަގަކުރަމުން އަންނަ ޒުވާނުންގެ ދުވަސް އޮކްޓޫބަރު 22 ގައި ފާހަގަކުރުމަށް ނިންމާފައިވަނީ މިދިޔަ އަހަރުއެވެ. އެގޮތަށް ރައީސުލްޖުމްހޫރިއްޔާ ނިންމެވީ މީގެ 12 އަހަރުކުރިން ޢުމުރުން 18 އަހަރުން މަތީގެ ކޮންމެ ދިވހިރައްޔިތަކަށް އިންތިޚާބުތަކުގައާއި، ރައްޔިތުންގެ ޚިޔާލު ހޯދުމުގެ އާންމު ވޯޓުތަކުގައި ވޯޓު ދިނުމުގެ ހައްގުދިނުމަށް ރައްޔިތުންގެ ޚާއްޞަ މަޖިލީހުން ފާސްކުރި ދުވަސްކަމަށްވާތީއެވެ.
ކޮމެންޓު ފޮނުވާ