ބޮލީވުޑްގެ މަޝްހޫރު ފިލްމީ ތަރި އަމީތާބް ބައްޗަންގެ ދެތިން ބަންގަލޯ ޖޫހޫގައި މިހާރުވެސް ހުރެއެވެ. ޕްރަތީކްޝާގައި ހުރި އޭނާގެ ބަންގަލޯއަކީ ފަތުރުވެރިންނަށް ޚާއްސަ ކޮށްފައިވާ ބަންގަލޯއެކެވެ. ކަންމިހެން ހުރުމާއި އެކުވެސް އަމީތާބް ވަނީ އާ ބަންގަލޯއެއް ގަނެފައެވެ.
މި ބަންގަލޯ އަމީތާބު ގަނެފައިވަނީ 310 މިލިއަން އިންޑިއާ ރުޕީސް އަށެވެ. މި ބަންގަލޯ ހުންނަނީ ސަނީލިއޯނީ އަދި ޕްރޮޑިއުސަރ އާނަންދު އެލް ރާއީ ދާދިފަހުން ގަނެފައިވާ އެޕާޓްމެންޓްތައް ހުންނަ ސަރަހައްދުގައެވެ. މި ބަންގަލޯ ގަނެފައިވަނީ 2020 ވަނަ އަހަރުގެ ޑިސެމްބަރު މަހުއެވެ. އެހެންނަމަ ވެސް ރަޖިސްޓްރީގެ ހުރިހާ ކަމެއް ނިމިފައިވަނީ މިދިޔަ މަހު އެވެ.
ކޯވިޑްގެ މި ދުވަސްވަރު އަމީތާބު ބަންގަލޯއެއް ގަނެފައި ވަނީ މަހަރާޝްތުރާގެ ސަރުކާރުން މިދިޔަ އަހަރުގެ ޑިސެމްބަރ އިން ފެށިގެން މިއަހަރުގެ މާރޗު މަހުގެ 31 އަށް ސްޓޭމްޕް ޑިއުޓީ ފަސްޕަސެންޓުން ދެ ޕަރސެންޓަށް ކުރުމާއި ގުޅިގެންނެވެ.
މިސަބަބާ ހެދި ބޮލީވުޑްގެ ގިނަ ތަރިން މި މުއްދަތުގައި ލަގްޒަރީ އާ އެޕާޓްމެންޓްތައް ގަނެފައި ވެއެވެ.
View this post on Instagram
މަސައްކަތުގެ ދަައިރާއަަށް ބަލާލާއިރު އަމީތާބް އެންމެ ފަހުން މަސައްކަތް ކޮށްފައިވަނީ "ޗެހެރޭ" އަދި "ބްރަމަސްތުރާ" ގައެވެ. މި ފިލްމުތައް ރިލީސްކުރުމުގެ ތައްޔާރީތައް ދަނީ ކުރަމުންނެވެ.
